ប្រភពជិតស្និទ្ធថា Koeman អាចនឹងនៅដឹកនាំ Barcelona បន្តទៀតក្នុងរដូវកាលក្រោយនេះ

2021-05-26 12:50:22
បាល់ទាត់

2021-05-26 12:50:22
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Rob Jansen ភ្នាក់ងាររបស់លោក Ronald Koeman បាននិយាយនៅក្នុងថ្ងៃនេះថា គ្រូបង្គោលក្លឹប Barcelona រូបនេះអាចនឹងនៅបន្តតំណែងជាអ្នកដឹកនាំក្លឹបបន្តនៅរដូវកាលក្រោយៗទៀត។

លោក Jansen បាននិយាយថា៖" កាលពីប្រជុំនៅក្នុងថ្ងៃច័ន្ទកន្លងទៅនេះគឺមានសញ្ញាណវិជ្ជមានច្រើន ខ្ញុំផ្ទាល់ខ្លួនចាកចេញពីការប្រជុំមួយនេះដោយមានអារម្មណ៍ល្អ។ ពួកយើងមានចំណុចសមស្របត្រូវរ៉ូវជាមួយគ្នាមួយចំនួន "។

លោកបានបន្តថា៖" អារម្មណ៍មួយនេះកាន់តែបង្ហាញសញ្ញាណវិជ្ជមាននៅពេលដែល Koeman អាចនៅធ្វើជាគ្រូបង្គោលរបស់ Barca នៅរដូវកាលក្រោយៗទៀត។ ប៉ុន្តែជាក់ស្ដែងយើងមិនទាន់ពិភាក្សាជាមួយគ្នាឲ្យជាក់លាក់តែម្ដងដល់កម្រិតនេះទេ។ ការពិភាក្សាជាច្រើននឹងមានបន្តពីការពិភាក្សាកាលពីថ្ងៃមុនទៀត "។

គួរបញ្ជាក់ផងដែរថាអនាគត Koeman នៅរដូវកាលក្រោយត្រូវបានព័ត៌មានជាច្រើនចុះផ្សាយថា ហាក់បីដូចច្បាស់លាស់ថានៅបន្តឬយ៉ាងណា ក្រោយលោកដឹកនាំមិនអាចបំពេញតាមតម្រូវការ ដែលក្លឹបចង់បាន៕

ប្រភព៖ Goal អត្ថបទ៖ សេរី មង្គល