- 2017-08-18 02:19:39
- បាល់ទាត់
Leonardo ថា កូនក្រុមនៅខ្សោយប្រព័ន្ធប្រយុទ្ធ
- 2017-08-18 02:19:39
- ចំនួនមតិ 0 | ចំនួនចែករំលែក 0
Leonardo ថា កូនក្រុមនៅខ្សោយប្រព័ន្ធប្រយុទ្ធ
ចន្លោះមិនឃើញ
ក្រោយបរាជ័យក្រោមថ្វីជើងវៀតណាម ៤-១ កាលពីម្សិលមិញនេះលោក Leonardo Vitorino គ្រូបង្វឹក U22 កម្ពុជាបានសរសើរក្រុមវៀតណាមជាក្រុមដ៏ខ្លាំង និងបង្ហាញចំណុចខ្វះខាតនៃក្រុមរបស់ខ្លួននៅតំបន់ប្រយុទ្ធ។
ក្នុងវគ្គសន្សំពិន្ទុពូល B នៃព្រឹត្តិការណ៍កីឡាស៊ីហ្គេមឆ្នាំ២០១៧ នៅប្រទេសម៉ាឡេស៊ីនេះ ក្រុម U22 កម្ពុជា មិនទាន់រកបាន ១ពិន្ទុឡើយ ឆ្លងកាត់ពីរប្រកួតកន្លងមក ដោយប្រកួតទី១ចាញ់ U22 ហ្វីលីពីន ២-០ និង បរាជ័យក្រោមថ្វីជើងវៀតណាមម្សិលមិញនេះ។
ក្រោយចាញ់វៀតណាមគ្រូបង្វឹកសញ្ជាតិប្រេស៊ីលបាននិយាយក្នុងសន្និសីទកាសែតថា វៀតណាមជាក្រុមដ៏ខ្លាំង ហើយកីឡាកររបស់គេលេងពោរពេញដោយទំនុកចិត្ត និងបច្ចេកទេសខ្ពស់។ ពួកគេមានបទពិសោធច្រើន ថែមទាំងបានឆ្លងកាត់ការចូលរួមប្រកួត World Cup ក្រោមអាយុ២០ឆ្នាំកាលពីពេលថ្មីៗនេះទៀតផង។
លោកបន្ថែមថា បើមើលទៅកាន់ប្រព័ន្ធប្រយុទ្ធរបស់ខ្លួន ហាក់នៅមានចំណុចខ្វះខាតច្រើន ដែលលោកត្រូវការពេលវេលាដើម្បីរៀបចំបន្ថែមទៀត។ ប៉ុន្តែសម្រាប់ទិសដៅរបស់លោកមកដឹកនាំកម្ពុជា ដើម្បីអភិវឌ្ឍន៍ពួកគេឲ្យមានសមត្ថភាពខ្លាំងជាងមុនក្នុងគោលដៅយូរអង្វែង៕
ស្រាបៀរអង្គរមានមោទនភាពគាំទ្រអត្តពលិកជាតិចូលរួមប្រកួតកីឡាស៊ីហ្គេម ២០១៧ #ឆន្ទៈយើងបេះដូងយើង៕
ខាងក្រោមនេះជាការប្រកួតបន្ទាប់របស់កម្ពុជា៖
ថ្ងៃទី២០ ខែសីហា ឆ្នាំ២០១៧ U22 ថៃ Vs U 22 កម្ពុជា ម៉ោង ៧:៤៥ នាទីយប់
ថ្ងៃទី២២ ខែសីហា ឆ្នាំ២០១៧ U22 កម្ពុជា Vs ទីម័រខាងកើត ម៉ោង ៧:៤៥ នាទីយប់
ថ្ងៃទី២៤ ខែសីហា ឆ្នាំ២០១៧ U22 ឥណ្ឌូណេស៊ី Vs កម្ពុជា ម៉ោង ៣:០០នាទីរសៀល
មូលហេតុ ឈិនឡូន កម្ពុជាបាត់មេដាយមាស បានត្រឹមសំរឹទ្ធឆ្នាំនេះ
Suarez, Ronaldo និង Neymar សំដែងការកាន់ទុក្ខ ភេរវកម្មនៅ Barcelona
