- 2017-07-10 08:45:54
- ប្រដាល់
បើកឆាកកំពូលអ្នកប្រដាល់លីអូ ជើងខ្លាំងកម្ពុជា៣នាក់ផ្តួលដៃគូឲ្យសន្លប់
- 2017-07-10 08:45:54
- ចំនួនមតិ 0 | ចំនួនចែករំលែក 0
បើកឆាកកំពូលអ្នកប្រដាល់លីអូ ជើងខ្លាំងកម្ពុជា៣នាក់ផ្តួលដៃគូឲ្យសន្លប់
ចន្លោះមិនឃើញ
ជើងខ្លាំងកម្ពុជា៣រូបទទួលបានជ័យជម្នះ និងម្នាក់បានរងបរាជ័យសម្រាប់ការប្រកួតដណ្តើមខ្សែ ក្រវាត់ក្រវាត់ «កំពូលអ្នកប្រដាល់ ស្រាបៀរលីអូ» រដូវកាលទី៦ នៅសង្វៀនទូរទស្សន៍បាយ័នដែលបានសន្និសីទសារព័ត៌មានបើកការប្រកួតកាលពីល្ងាចថ្ងៃអាទិត្យ ទី៩ ខែកក្កដា ឆ្នាំ២០១៧កន្លងទៅនេះ។
ក្នុងសន្និសីទសារព័ត៌មាននៅសង្វៀនទូរទស្សន៍បាយ័នបឹងស្នោរ លោក ព្រាប សុវណ្ណ តំណាងស្រាបៀរលីអូ បានលើកឡើងថា កម្មវិធី «កំពូលអ្នកប្រដាល់ ស្រាបៀរលីអូ» រដូវកាលទី៦នេះមិនមែនជាការប្រដាល់ថ្នាក់ជាតិដូចរដូវកាលមុនៗទេ ប៉ុន្តែជាការប្រកួតដណ្តើមខ្សែក្រវ៉ាត់អន្តរជាតិ។ លោកបានណែនាំកំពូលអ្នកប្រដាល់កម្ពុជា៤រូប ឡាវ២រូប និងថៃ២រូបដែលសរុបទាំងអស់៨រូប។ កីឡាករទាំងនោះមានកីឡាករកម្ពុជា ចាន់ រតនា, សេក គឹមរួន, ឆៃ សារ៉ា និង សេក គឹមរួន ខណៈ កីឡាករថៃ វៃ ហ៉ៃ្វ និង ខាវ ផុង ហើយកីឡាករឡាវ ណាំផុន ភេតចិត្តា និង ហ្វាសាំង ស៊ិតអត្ថភីដែល ត្រូវអង្រួនសង្វៀនក្នុងរដូវកាលថ្មីនេះ។
ការឧបត្ថម្ភនេះបានបង្ហាញពីការប្ដេជ្ញាចិត្តរបស់ស្រាបៀរលីអូ ក្នុងការគាំទ្រកីឡា ប្រដាល់កម្ពុជា និងកីឡាករកម្ពុជា។ លោក ព្រាប សុវណ្ណ បន្តថា ៖«យើងជឿជាក់ថា កីឡាករកម្ពុជាទាំងអស់សុទ្ធតែខ្លាំង មានការតស៊ូ និងពូកែទាំងការប្រកួតថ្នាក់ជាតិ និងអន្តរជាតិ។ នេះជាមោទនភាពមួយសម្រាប់ប្រជាជនកម្ពុជាទូទាំងប្រទេស ដើម្បីចូលរួមទស្សនាការប្រកួតរបស់កំពូលកីឡាករកម្ពុជា និងកីឡាករអន្តរជាតិល្បីៗ និងខ្លាំងៗជាច្រើនរូប។ ស្រាបៀរលីអូនឹងនៅទីនេះដើម្បីលើកទឹកចិត្ត និងអបអរ រាល់ជ័យជំនះរបស់កីឡាករកម្ពុជាទាំងអស់»។
ទន្ទឹមជាមួយគ្នានេះ លោក នាង ស៊ីវុត្ថា អ្នកគ្រប់កម្មវិធីប្រដាល់របស់ទូរទស្សន៍បាយ័នបានឲ្យដឹងថា សម្រាប់ការប្រកួតនេះ លោកសូមសំណូមពរដល់ប្រធានសហព័ន្ធប្រដាល់គុនខ្មែរឲ្យចាត់វិធានការម៉ឺងម៉ាត់ចំពោះកីឡាករណាដែលប្រកួតមិនអស់ពីសមត្ថភាព មិនថាខាងកម្ពុជាឬបរទេស(ថៃ-ឡាវ)។ ប្រសិនបើមានបញ្ហាអសកម្ម ឬមិនប្រក្រតីណាមួយគឺត្រូវតែបណ្ដេញចុះតែម្ដង។ លោកមិនចង់ឲ្យខូចកម្មវិធីនេះ និងស្ដាយទឹកចិត្ត អ្នកដែលគាំទ្រដែលចំណាយពេលទស្សនាខំលើកស្ទួយវិស័យប្រដាល់នេះ។ អ្នករៀបចំរូបនេះ ក៏ក្រើនរំលឹកដល់កីឡាករជំនាន់ក្រោយ ឲ្យខំប្រឹងប្រែងបន្ថែមទៀតដើម្បីមានសមត្ថភាពនិងអាចជំនួសកីឡាករចាស់ៗបាន។
សម្រាប់លទ្ធផលសប្តាហ៍ឆាក
សូមបញ្ជាក់ថា ការប្រកួតធ្វើឡើងរាល់ថ្ងៃអាទិត្យ ចាប់ពីម៉ោង ៤រសៀល ដល់ ៦ ល្ងាច នៅសង្វៀនស្ថានីយទូរទស្សន៍បាយ័ន បឹងស្នោរ។ សូមបងប្អូនអ្នកស្រលាញ់កីឡាប្រដាល់គុនខ្មែរចូលរួមគាំទ្រ និងលើកទឹកចិត្តដល់កីឡាករឲ្យបានច្រើនកុះករ៕
