- 2017-07-04 04:19:36
- ប្រដាល់
សំ ថារ័ត្ន៖ ឈ្នះការប្រកួតនៅថៃដោយសារឮពាក្យ «Cambodia Go Go»
- 2017-07-04 04:19:36
- ចំនួនមតិ 0 | ចំនួនចែករំលែក 0
សំ ថារ័ត្ន៖ ឈ្នះការប្រកួតនៅថៃដោយសារឮពាក្យ «Cambodia Go Go»
ចន្លោះមិនឃើញ
កីឡាការិនីក្បាច់គុននិងជាតារាសម្ដែងភាពយន្ត សំ ថារ័ត្ន ថាជ័យជម្នះនាការប្រកួតក្នុងទ្រុងនៅប្រទេសថៃកាលពីថ្ងៃសៅរ៍ ទី១ កក្កដា នេះបានមកពីអ្នកគាំទ្រ ក៏ដូចជាគ្រូបង្វឹកនិងមិត្តរួមអាជីពផ្ដល់កម្លាំងចិត្តដល់រូបគេ។
កីឡាការិនី សំ ថារ័ត្ន បានលើកឡើងថា ជ័យជម្នះលើកីឡាការិនីថៃនេះពិតជាពិបាកខ្លាំងណាស់ នៅទឹកទី១ និងទី២ វាស្ទើរតែធ្វើឲ្យអ្នកប្រដាល់របស់កម្ពុជាខាងលើចង់បោះបង់ចោល ព្រោះដៃគូរបស់គេមានកម្លាំងខ្លាំងជាងនិងដៃជើងក៏ធ្ងន់ជាងទៀត។ វារឹតតែពិបាកវ៉ៃទៀតផងនៅពេលជួបដៃគូដែលមានទម្ងន់ធ្ងន់ជាងដូចនេះ។
ម្ចាស់មេដាយសំរឹទ្ធ Beach Game បន្តទៀតថា ដោយលឺនិងមានការគាំទ្រពីសំណាក់អ្នកទស្សនានៅទីនោះជាពិសេសបរទេស ដែលស្រែកឲ្យកម្លាំងចិត្ត ហើយការប្រកួតនេះខ្លួនតំណាងប្រទេសកម្ពុជាទៀតនោះ ទើបជំរុញឲ្យគេមិនអាចបោះបង់ហើយរឹតតែតស៊ូប្រកួតឲ្យរហូតឈ្នះដូចនេះ។
អ្នកដឹកនាំកីឡាករចេញទៅប្រកួតនៅក្នុងកម្មវិធី Full Metal Dojo ដោយលោកគ្រូ ហ៊ុន ចាន់រាជ គ្រូបង្វឹកក្លឹបប្រដាល់ Cambodia Top Team។ សម្រាប់ការប្រកួតក្នុងទ្រុង MMA (Full Metal Dojo) នេះមានតែកីឡាការិនី សំ ថារ័ត្ន ម្នាក់ទេដែលទទួលជ័យជម្នះ ខណៈកីឡាករ ចាន់ សំអាត និង អេ វិរៈខាំឈិត ចាញ់ទាំងពីរនាក់៕
