- 2017-04-12 06:48:46
- ប្រដាល់
ឡៅ ស៊ីណាត ប្រាប់ហេតុផលត្រកូល«ឡៅ» ប្រកួតអត់លក់ឧត្ដមគតិ
- 2017-04-12 06:48:46
- ចំនួនមតិ 0 | ចំនួនចែករំលែក 0
ឡៅ ស៊ីណាត ប្រាប់ហេតុផលត្រកូល«ឡៅ» ប្រកួតអត់លក់ឧត្ដមគតិ
ចន្លោះមិនឃើញ
សម្រាប់អ្នកដែលតែងតែតាមដានប្រដាល់គុនខ្មែរច្បាស់ជាស្គាល់ហើយអ្នកប្រដាល់ត្រកូល «ឡៅ» មាន ឡៅ ស៊ីណាត ឡៅ ចន្រ្ទា និង ឡៅ ចិត្រា រាល់ការប្រកួតរបស់ពួកគេកម្រមានភាពអវិជ្ជមាន (លក់ការប្រកួត) ប្រកួតមិនអស់សមត្ថភាពឬខុសលក្ខន្តិកៈណាស់។ ឡៅ ស៊ីណាត ប្រាប់ពីហេតុផលមួយចំនួនដែលពាក់ព័ន្ធនឹងរឿងនេះដែរថា ត្រូវចេះស្រឡាញ់អាជីពខ្លួនហើយរក្សាកេរ្តិ៍ឈ្មោះឲ្យបានល្អ។
អតីតអ្នកប្រដាល់ដែលមានកេរ្តិ៍ឈ្មោះ ឡៅ ស៊ីណាត បានឲ្យដឹងថា រាល់ការប្រកួតរបស់គេនាពេលកន្លងមកនេះមិនមានការលក់ដូរ ឬប្រកួតមិនប្រក្រតីណាមួយនោះទេ ជាពិសេសប្រកួតខុសលក្ខន្តិកៈតែម្ដង ព្រោះថាគេមិនចង់ឲ្យខូចកេរ្តិ៍ឈ្មោះដែលខំសាងយ៉ាងលំបាក និងចំណាយរយៈពេលយូរណាស់ហើយទម្រាំាបានដូចនេះ។
ចៅក្រមប្រដាល់រូបនេះបន្តទៀតថា ឥលូវមកដល់ជំនាន់ប្អូនៗរបស់គេវិញម្ដង កំពុងតែអង្រួនស្ទើរគ្រប់សង្វៀននៅកម្ពុជា ស៊ីណាត តែងតែពន្យល់ប្រាប់ពួកគេថា «យើងមានតែអាជីពមួយនេះទេ ត្រូវរក្សាវាឲ្យគង់វង្សមិនត្រូវលក់ឧត្ដមគតិជាដាច់ខាត»។
មួួយវិញទៀត មិនត្រូវមានធ្វេសប្រហែសឡើយ ខំប្រឹងឲ្យល្អបំផុតដើម្បីរក្សាកេរ្តិ៍ឈ្មោះខ្លួនឯង លើកមុខមាត់ក្រុមគ្រួសារ ក្លឹប និងប្រទេសជាតិទៀតផង។ បើទោះជាប្រកួតលែងកើតក្ដីនៅពេលខាងមុខក៏មានអ្នកនៅគាំទ្រនិងស្រឡាញ់រាប់អានទូទាំងប្រទេស ហេតុផលទាំងនេះហើយដែលប្អូនរបស់គេ (ឡៅ ស៊ីណាត) តែងតែប្រកួតល្អមកដល់សព្វថ្ងៃនេះ។
ឡៅ ស៊ីណាត ឈប់ឡើងប្រកួតប្រដាល់តាំងពីខួចជើងកាលពីខែមករា ឆ្នាំ២០១៦មកម្ល៉េះ បច្ចុប្បន្នគេកំពុងបម្រើការងារជាមន្ត្រីសហព័ន្ធប្រដាល់គុនខ្មែរនៅសង្វៀនបាយ័ន។ បើទោះជាឈប់ឡើងប្រកួតក្ដីតែអតីតកីឡាកររូបនេះ នៅតែមានគេចូលចិត្តស្រឡាញ់និងគាំទ្រដដែល៕
