- 2017-02-02 23:01:00
- ប្រដាល់
ឪពុកបង្កើតទម្លាយឲ្យដឹងពីមូលហេតុដែល ឃីម ឌីម៉ា កើនឡើងសមត្ថភាពខ្លាំង
- 2017-02-02 23:01:00
- ចំនួនមតិ 0 | ចំនួនចែករំលែក 0
ឪពុកបង្កើតទម្លាយឲ្យដឹងពីមូលហេតុដែល ឃីម ឌីម៉ា កើនឡើងសមត្ថភាពខ្លាំង
ចន្លោះមិនឃើញ
អ្នកទស្សនាគុនខ្មែរច្បាស់ជាដឹងហើយថា មួយរយៈចុងក្រោយនេះអ្នកប្រដាល់ ឃីម ឌីម៉ា ប្រកួតឡើងដៃមែនទែន និងកាចជាងមុនទៅទៀត ប៉ុន្មានប្រកួតចុងក្រោយនេះឈ្នះរហូត និងផ្ដួលដៃឲ្យសន្លប់មុនទឹកទី៥ទៀតផង។
លោកគ្រូ ហេង ប៊ុនឃីម ជាឪពុកនិងជាគ្រូបង្វឹករបស់នាគខ្មៅ ឃីម ឌីម៉ា បានឲ្យដឹងថា លោកទទួលស្គាល់មែនដែលមួយរយៈនេះកូនប្រុសរបស់លោកពិតជាកើនឡើងសមត្ថភាពខ្លាំង និងវ៉ៃកាចជាងមុន។ ទាក់ទិននឹងរឿងនេះ លោកគ្រូបង្ហាត់នៅខេត្តបន្ទាយមានជ័យ រូបនេះ ប្រាប់ថា ដោយសារ ឃីម ឌីម៉ា មានពេលវេលាគ្រប់គ្រាន់សម្រាប់ហ្វឹកហាត់ដើម្បីត្រៀមប្រកួតនានា។ ខុសពីពេលមុនៗដែលកូនរបស់លោកនៅរៀនមិនទាន់ចប់ និងការងារជាកងរាជអាវុធហត្ថ ក៏រវល់ត្រូវចល័តពីខេត្តមួយទៅខេត្តមួយ ដូច្នេះកូនប្រុសលោកមិនសូវមានពេលហាត់នោះទេ។ បច្ចុប្បន្ន ឌីម៉ា ត្រូវនៅប្រចាំក្នុង កងរាជអាវុធហត្ថរាជធានីភ្នំពេញហើយ ដូចនេះគេមានពេលពេញលេញដើម្បីហ្វឹកហាត់។ ចំពោះការរៀនសូត្រក៏បញ្ចប់រួចរាល់ទៀត។ ចំណុចទាំងនេះហើយដែលធ្វើឲ្យកូនលោករីកចំរើនខ្លាំង។
រៀមច្បងប្រដាល់រូបនេះផ្ដាំដល់កូនប្រុសរបស់ខ្លួនថា វ៉ៃកាចក៏កាចទៅ ប៉ុន្តែកាចតែសម្រាប់ដៃប្រកួតលើសង្វៀនបានហើយ។ ពេលប្រកួតចប់ត្រូវរក្សាមិត្តភាពដដែល និងមិនត្រូវធ្វើអ្វីដែលជាការអួតអាងឬអំនួតនោះទេ។ លោក ហេង ប៊ុនឃីម ជាគ្រូបង្ហាត់ប្រដាល់នៅក្លឹប រស្មីភូមិគាបខេត្តបន្ទាយមានជ័យ នៅឯខេត្តបន្ទាយមានជ័យ និងត្រូវជាឪពុកបង្កើតរបស់ ឃីម ឌីម៉ា និង ឃីម បូរ៉ា។ លោកនឹងមកលើកទឹកចិត្តកូនប្រុស ឃីម ឌីម៉ា ប្រកួតបញ្ចប់វគ្គសន្សំពិន្ទុក្នុងពូលនៅសង្វៀនអាស៊ីអាគ្នេយ៍ ថ្ងៃអាទិត្យ ទី៥ ខែកុម្ភៈ ឆ្នាំ ២០១៧ រួចទើបត្រលប់ទៅស្រុកកំណើតវិញ៕
