- 2016-10-04 13:14:21
- ប្រដាល់
ព្រំ សំណាង បង្ហើបចំណុចខ្លាំង និងចំណុចខ្សោយរបស់ អ៊ុង វីរៈ
- 2016-10-04 13:14:21
- ចំនួនមតិ 0 | ចំនួនចែករំលែក 0
ព្រំ សំណាង បង្ហើបចំណុចខ្លាំង និងចំណុចខ្សោយរបស់ អ៊ុង វីរៈ
ចន្លោះមិនឃើញ
អ្នកប្រដាល់បទពិសោធន៍ឡើងសង្វៀនជិត១០ឆ្នាំ ព្រំ សំណាង បង្ហើបពីចំណុចខ្លាំង និងចំណុចខ្សោយរបស់សិស្សច្បង អ៊ុង វីរៈ ដែលតែងតែប្រើនៅលើសង្វៀនប្រកួតកន្លងមក។
ជើងខ្លាំងក្នុងប្រភេទទម្ងន់ធ្ងន់រូបនេះបានឲ្យដឹងថា អ៊ុង វីរៈ ជាកីឡាករល្អ មានកម្លាំងអំណត់ល្អ និងវ៉ៃចេញពោរពេញដោយកម្លាំងមានការកំណត់ទិសដៅវាយសម្រុកបានត្រឹមត្រូវ។ មិនត្រឹមតែប៉ុណ្ណោះសិស្សច្បងរបស់ សំណាង រូបនេះមានការតស៊ូក្នុងការហ្វឹកហាត់។
ងាកទៅចំណុចខ្វះខាតរបស់ វីវៈ កីឡាករដែលកំពុងបម្រើការងារជាទាហានរូបនេះបន្ថែមថា ក្នុងនាមជាមិត្តរួមក្លឹបគេមើលឃើញថា សិស្សច្បងរូបនេះស្ទើរផ្លែកែង។ ការវាយកែងរបស់គេមិនសូវល្អ និងចេញបានតិចរាល់ពេលដែលរូបគេឡើងសង្វៀនម្តងៗ។ ក្រៅពីនោះល្អសឹងគ្រប់ក្បាច់មិនថាទាត់ ឬកណ្ដាប់ដៃនោះទេ។
ព្រំ សំណាង និងអ៊ុង វីរៈ គឺជាសិស្សរួមគ្រួហ្វឹកហាត់ក្នុងក្លឹបទ័ពពិសេសឆត្រយោង ៩១១។ នាថ្ងៃអាទិត្យ ថ្ងៃទី២ ខែតុលា ឆ្នាំ២០១៦ ពួកគេឡើងសង្វៀនប៉ះដែគូមកពីប្រទេសថៃប្រកួតវគ្គសន្សំពិន្ទុតាមពូលក្នុងកម្មវិធីសមរភូមិអ្នកប្រយុទ្ធរបស់សង្វៀន PNN៕
អត្ថបទ៖ ស្រី សុវណ្ណដារ៉ា
