- 2016-08-29 21:00:44
- ប្រដាល់
ឧកញ៉ា ស្រី ចាន់ថន រង់ចាំដំណឹង សុខហ៊ុច មកយកប្រាក់ ១ពាន់ដុល្លារ
- 2016-08-29 21:00:44
- ចំនួនមតិ 0 | ចំនួនចែករំលែក 0
ឧកញ៉ា ស្រី ចាន់ថន រង់ចាំដំណឹង សុខហ៊ុច មកយកប្រាក់ ១ពាន់ដុល្លារ
ចន្លោះមិនឃើញ
ជំនួយការរបស់ឧកញ៉ា ស្រី ចាន់ថន អគ្គនាយកក្រុមហ៊ុន Jet Group កំពុងរង់ចាំដំណឹងកីឡាករ ម៉ឺន សុខហ៊ុច មកទទួលប្រាក់១ពាន់ដុល្លារអាមេរិកដែលឧកញ៉ាសម្រេចជួយឧបត្ថម្ភ បន្ទាប់ពីកីឡាករកម្ពុជារូបនេះលើកមុខមាត់ជាតិ ដោយប្រកួតឈ្នះខ្សែក្រវាត់ពិភពលោកកម្រិតប្រាក់ក្នុងព្រឹត្តិការណ៍ Max Muay Thai កាលពីយប់មិញនេះ។
ជំនួយការរបស់ឧកញ៉ារូបនេះបានឲ្យដឹងថា កំពុងរង់ដំណឹងកីឡាករ ម៉ឺន សុខហ៊ុច មកយកប្រាក់ពីខ្លួន ដែលជាប្រាក់លើកទឹកចិត្ត។ បានជាចូលរួមជួយដល់កីឡាករ សុខហ៊ុច ពីព្រោះលោកឧកញ៉ាចូលចិត្តជួយអ្នកខ្សត់ខ្សោយ ពិសេសក៏ចង់ជួយជាប្រាក់ខ្លះៗ ដល់កីឡាករកម្ពុជាដែលបានលើកមុខមាត់ជាតិ។
ប្រភពដដែលបន្តថា លោកមិនស្គាល់លេខទូរសព្ទសម្រាប់ទំនាក់ទំនងទៅកីឡាករកម្ពុជារូបនេះឡើយ ពោលគឺរង់ចាំខាងកីឡាករទាក់ទងមក ដើម្បីប្រគល់ប្រាក់តែប៉ុណ្ណោះ។ កន្លងមកលោកឧកញ៉ា តែងស្រលាញ់និងលើកស្ទួយវិស័យកីឡាគ្រប់ប្រភេទ។
ក្នុងនាមម្ចាស់ខ្សែក្រវាត់មារ៉ាតុនកម្រិតប្រាក់ មឿន សុខហ៊ុច ទទួលបានប្រាក់រង្វាន់ប្រចាំព្រឹត្តិការណ៍ Max Muay Thai ២០ម៉ឺនបាត(ប្រហែលជា៥៧៧០ដុល្លារអាមេរិក)៕
មើលវីដេអូ សូមចុច ៖ មឿន សុខហ៊ុច
អត្ថបទ៖ ស្រី សុវណ្ណដារ៉ា
