- 2016-08-01 18:46:33
- ប្រដាល់
សុវណ្ណឌឿន ថា ផ្ដួលថៃ Chokdee ឲ្យសន្លប់ ស្របតាមបំណងមុនការប្រកួត
- 2016-08-01 18:46:33
- ចំនួនមតិ 0 | ចំនួនចែករំលែក 0
សុវណ្ណឌឿន ថា ផ្ដួលថៃ Chokdee ឲ្យសន្លប់ ស្របតាមបំណងមុនការប្រកួត
ចន្លោះមិនឃើញ
កីឡាករ ឡុង សុវណ្ណឌឿន បានផ្ដួលកីឡាករថៃ Chokdee Sor Thanapetch ឲ្យសន្លប់ក្នុងទឹកទី៤ដែលលទ្ធផលនេះដូចនឹងបំណងប្រាថ្នារបស់ខ្លួនសម្រាប់ការប្រកួតសន្សំពិន្ទុដណ្តើមខ្សែក្រវាត់នៅសង្វៀន PNN ដែលឧបត្ថម្ភដោយភេសជ្ជៈគោជល់កាលពីម្សិលមិញ។
ឡុង សុវណ្ណឌឿន បានឲ្យដឹងថា រូបគេមានបំណងចង់ផ្ដួលកីឡាករថៃ Chokdee ឲ្យសន្លប់ក្នុងទឹកណាមួយ តាំងពីមុនការប្រកួតចាប់ផ្ដើមមកម្ល៉េះ។ របួសចុងក្ដោងច្រមុះមិនទាន់ជាសះស្បើយទាំងស្រុងនោះទេ ការប្រកួតមួយនេះរូបគេប្រកួតទាំងឈឺ។
អ្នកប្រដាល់រូបនេះបន្តថា រូបគេមិនពេញចិត្តចំពោះការកាត់ក្ដីរបស់អាជ្ញាកណ្ដាលផងដែរ ដោយសាររូបគេមើលឃើញថា អាជ្ញាកណ្ដាលហាក់ព្យាយាមពន្យារពេលទៅលើការរាប់( រាប់យឺតៗ)។ បន្ថែមលើសពីរនេះរូបគេមើលឃើញថា អាជ្ញាកណ្ដាលហាក់ព្យាយាមឲ្យកីឡាករថៃនៅបន្តវាយទាំងមិនអាចប្រកួតបាន។
ការប្រកួតរវាងកីឡាករ ឡុង សុវណ្ណឌឿន និងកីឡាករថៃ Chokdee Sor Thanapetch បានតែ ៤ទឹកប៉ុណ្ណោះ ដោយសារកីឡាករថៃត្រូវបានអាជ្ញាកណ្ដាលបញ្ឈប់។ បើគិតទាំងការផ្ដួលកីឡាករថៃរូបនេះទៀត ឡុង សុវណ្ណឌឿន ទទួលបាន ៦ពិន្ទុពេញក្នុងការប្រកួតសន្សំពិន្ទុក្នុងពូលចំនួនពីរលើក៕
អត្ថបទ៖ នួន ស៊ីណា
