- 2016-04-19 15:27:34
- ប្រដាល់
ធន សុភា ទម្លាយមូលហេតុ ពេជ្រ សីហា ធ្លាក់ទម្រង់ប្រកួត
- 2016-04-19 15:27:34
- ចំនួនមតិ 0 | ចំនួនចែករំលែក 0
ធន សុភា ទម្លាយមូលហេតុ ពេជ្រ សីហា ធ្លាក់ទម្រង់ប្រកួត
ចន្លោះមិនឃើញ
លោក ធន សុភា គ្រូបង្ហាត់ប្រដាល់ក្នុងក្លឹបក្រសួងការពារជាតិ និងជាគ្រូរបស់អ្នកប្រដាល់ ពេជ្រ សីហា ផ្ទាល់ថា ពេជ្រ សីហា ធ្លាក់ទម្រង់ប្រកួតខ្លាំងមួយរយៈពេលចុងក្រោយនេះដោយសារដើរលេងផឹកស្រាញឹកញាប់ និងហ្វឹកហាត់មិនបានពេញលេញ។
លោក ធន សុភា បានឲ្យដឹងថា សមត្ថភាពរបស់ ពេជ្រ សីហា ធ្លាក់ខ្លាំងមួយរយៈពេល ៤ឬ ៥ប្រកួតចុងក្រោយ ដោយសារដើរលេងមិនស្ដាប់បង្គាប់គ្រូបង្វឹក។ កីឡាកររូបនេះចូលចិត្តដើរលេងផឹកស្រាច្រើន មិនប្រឹងប្រែងក្នុងការហ្វឹកហាត់ជិតដល់ថ្ងៃប្រកួតទើបខំហ្វឹកហាត់។
គ្រូបង្ហាត់រូបនេះបន្តថា ពេជ្រ សីហា ច្រើនហត់អស់កម្លាំងនៅចុងទឹកទី៤ និងទី ៥ដោយសារហ្វឹកហាត់មិនបានពេញលេញល្អ។ ជារៀងរាល់ថ្ងៃលោកតែងណែនាំ និងប្រាប់មិនឲ្យដើរលេងច្រើន ជាពិសេសពេលដែលកូនសិស្សរបស់លោកចាប់គូឡើងប្រកួតម្ដងៗ។
លោកបន្ថែមថា ការណែនាំរបស់លោកមិនអាចកែប្រែទម្លាប់របស់កីឡាករបានឡើយ ហេតុនេះកីឡាករគ្រប់រូបអាចបន្តភាពខ្លាំងរបស់ខ្លួនបានអាស្រ័យលើសាមីខ្លួនផ្ទាល់ (ចេះថែទាំខ្លួនផ្ទាល់)៕
អត្ថបទ៖ ស្រី សុវណ្ណដារ៉ា
