​ថ្ងៃ​៥​ ​កុម្ភៈ​ ​ត្រូវ​បាន​គេ​ចាត់​ទុក​ថា​ជា​ថ្ងៃចំឡែក​សម្រាប់​បាល់ទាត់ ដោយ​សារ​តែ​មាន​កីឡាករ​ និងគ្រូបង្វឹក​ជា​ច្រើន​បាន​កើត​ក្នុង​ថ្ងៃ​នេះ ជា​ពិសេស​គឺ​កីឡាករ​​ល្បី​៣​រូប​ Cristiano Ronaldo (១៩៨៥), Neymar (១៩៩២) និង​ Carlos Tevez (១៩៨៤)។

ឆ្នាំ​២០១៦​នេះ Ronaldo នឹង​ឈាន​ចូល​វ័យ​៣១ឆ្នាំ ឯ​ Neymar ចូល២៤ និង Tevez ដែល​កំពុង​ប្រកប​អាជីព​នៅ​ប្រទេស​កំណើត ឈាន​ដល់​វ័យ​៣២ឆ្នាំ។

ក្រៅ​ពី​៣នាក់​ខាង​លើ កីឡាករ​វ័យ​ក្មេង​ Adnan Januzaj របស់ Man Utd ក៏​កើត​ថ្ងៃ​៥​ កុម្ភៈ​ដូច​គ្នា​ដែរ។ បើ​និយាយ​ពី​អតីត​កីឡាករ​វិញ ក៏​មាន​​ច្រើន​នាក់​ ដែរ ដែល​កើត​ក្នុង​ថ្ងៃ​នេះ​ ដូច​ជា Vedran Corluka (ខ្សែ​ការពារ​ក្រុម​ Lokomotiv Moscow, កើត​ឆ្នាំ​១៩៨៦), Giovanni van Bronckhorst (អតីត​កីឡាករ​ Arsenal និង Barcelona កើត​ឆ្នាំ​១៩៧៥), Gheorghe Hagi (អតីត​កីឡាករ​ Barcelona កើត​ឆ្នាំ​១៩៦៥), Sven-Goran Eriksson (អតីត​អ្នកចាត់ការ​ Manchester City និង​ជម្រើស​ជាតិ​អង់គ្លេស កើត​ឆ្នាំ​១៩៤៨), Cesare Maldini (អតីត​គ្រូ​ជម្រើស​ជាតិ​អង់គ្លេស កើត​ឆ្នាំ​១៩៣២) និងRodrigo Palacio (ខ្សែ​ប្រយុទ្ធ Inter Milan កើតឆ្នាំ១៩៨២) ជា​ដើម៕