- 2016-02-03 13:30:39
- ប្រដាល់
ជើងខ្លាំង សែន រ៉ាឌី ពេញចិត្តចំពោះកម្មវិធីអត្តពលិកឆ្នើមប្រចាំឆ្នាំ
- 2016-02-03 13:30:39
- ចំនួនមតិ 0 | ចំនួនចែករំលែក 0
ជើងខ្លាំង សែន រ៉ាឌី ពេញចិត្តចំពោះកម្មវិធីអត្តពលិកឆ្នើមប្រចាំឆ្នាំ
ចន្លោះមិនឃើញ
ម្ចាស់មេដាយមាសពិភពលោកប្រភេទកីឡាវ៉ូវីណាម សែន រ៉ាឌី បានបង្ហាញចំណាប់អារម្មណ៍ពេញចិត្តចំពោះកម្មវិធីអត្តពលិកឆ្នើមប្រចាំឆ្នាំ២០១៥ ដែលរៀបចំឡើងដោយគណៈកម្មាធិការជាតិអូឡាំពិកកម្ពុជា (NOCC) ព្រោះកម្មវិធីនេះអាចធ្វើឱ្យកីឡាករទាំងអស់ប្រឹងប្រែងហ្វឹកហាត់ខ្លាំងជាងមុន។
ដើម្បីបំផុសវិស័យកីឡាកម្ពុជាឱ្យកាន់តែមានការរីកចំរើនទ្វេដង គណៈកម្មាធិការជាតិអូឡាំពិកកម្ពុជាបានសហការគ្នាជាមួយណាហ្គាវើល បូករួមជាមួយក្រុមហ៊ុន Sabay បង្កើតជាកម្មវិធីថ្មីមួយឡើង ដែលមានឈ្មោះថា ពានអត្តពលិកឆ្នើមប្រចាំឆ្នាំ២០១៥ ។ ពានរង្វាន់នេះដែរ គឺតម្រូវឱ្យមានការបោះឆ្នោតជ្រើសរើសពីសំណាក់អ្នកគាំទ្រទាំងអស់ ដោយសេរី និងយុត្តិធម៌ ព្រោះយកសំឡេងភាគច្រើនរបស់អ្នកគាំទ្រ។
ទន្ទឹមនឹងពានរង្វាន់នេះដែរ សែន រ៉ាឌី ដែលយកបានមេដាយមាសវ៉ូវីណាមពិភពលោកកាលពីឆ្នាំមុននៅប្រទេសអាល់ហ្សេរីមានចំណាប់អារម្មណ៍ថា៖ “ខ្ញុំមិនអាចរំពឹងថា ខ្ញុំឈ្នះពានរង្វាន់ណាមួយទេ សំខាន់នៅលើបងប្អូនដែលបោះឱ្យ។ ខ្ញុំ គិតថា NOCC ធ្វើកម្មវិធីនេះឡើយគឺល្អណាស់ ព្រោះអាចឱ្យកីឡាករផ្សេងៗប្រឹងប្រែងហ្វឹកហាត់បន្ថែមទៀត ដើម្បីអាចមានសមត្ថភាពកាន់តែខ្លាំង”។
ការប្រកាសជ្រើសរើសពានអត្តពលិកឆ្នើមប្រចាំឆ្នាំ២០១៥នេះមានពានរង្វាន់៨ប្រភេទដែលត្រូវបានបែងចែកគឺពានរង្វាន់កីឡាករឆ្នើម, ពានរង្វាន់កីឡាការិនីឆ្នើម, ពានរង្វាន់កីឡាករពិការឆ្នើម, ពានរង្វាន់កីឡាការិនីពិការឆ្នើម, ពានរង្វាន់គ្រូបង្វឹកឆ្នើម, ពានកីឡាករប្រជាប្រិយឆ្នើម, ពានរង្វាន់អត្ថបទព័ត៌មានទាក់ទាញបំផុត និងពានរង្វាន់រួបភាពកីឡាល្អដាច់គេ៕
អត្ថបទ៖ មុន្នី រម្យ
