- 2015-05-04 16:06:16
- ប្រដាល់
អ៊ុង វីរៈ ប្រើពេល ៤ ទឹកវាយសន្ធាប់ទួរគីយប់មិញមិនសរសើរមិនបាន
- 2015-05-04 16:06:16
- ចំនួនមតិ 0 | ចំនួនចែករំលែក 0
អ៊ុង វីរៈ ប្រើពេល ៤ ទឹកវាយសន្ធាប់ទួរគីយប់មិញមិនសរសើរមិនបាន
ចន្លោះមិនឃើញ
សម្រាប់ការប្រកួតមិត្តភាពកម្ពុជាទួរគីរបស់ស្ថានីយទូរទស្សន៍បាយ័នស្ទឹងមានជ័យយប់មិញនេះ អ្នកប្រដាល់ជើងខ្លាំង អ៊ុង វីរៈ បានប្រើពេល ៤ ទឹកពេញដើម្បីវាយសន្ធាប់លើកីឡាករប្រដាល់ជនជាតិទួរគី Yinmaz Omer ឲ្យសន្លប់ធ្វើឲ្យអ្នកទស្សនាមិនសរសើរមិនបាន ។
អ៊ុង វីរៈ បង្គោលក្រហម (ប្រកួតកន្លងមក)
ចាប់ផ្ដើមទឹកទីមួយអ្នកប្រដាល់ទាំងពីរ អ៊ុង វីរៈ និង Yinmaz Omer បានបើកការវាយសម្រុកគ្នាយ៉ាងសាហាវ ដោយមិនបានប្រកួតតាមបែបស្ទាបស្ទង់សមត្ថភាពដូចដែរអ្នកប្រដាល់ដទៃធ្លាប់ស្វាគមន៍គ្នាឡើយ។ ដល់ទឹកទីពីរអ្នកប្រដាល់ទាំងពីរនៅមិនបន្ធូរដៃក្នុងការវាយសម្រុកដូចគ្នាប៉ុន្តែ អ៊ុង វីរៈ ទំនងជាមានប្រៀបជាង ពីព្រោះគេបានប្រើកែង និងជង្គង់ ព្រមទាំងកណ្ដាប់ដៃវាយសម្រុកទៅលើជនជាតិទួរគីបានល្អជាង។
រហូតដល់ទឹកទីបីជើងខ្លាំងក្នុងស្រុក អ៊ុង វីរៈ បានប្រើមួយកែងចំថ្ងាសដៃគូឲ្យបែកឈាម។ បន្ទាប់មកដល់ទឹកទី ៤ អ៊ុង វីរៈ បានប្រើជង្គង់ចំលើពោះទឹក Yinmaz យ៉ាងល្អរហូតអាជ្ញាកណ្ដាលសម្រេចរាប់លើជនជាតិទួរគីនេះម្ដងមុនពេលប្រកួតបន្ត។ អ៊ុង វីរៈ ឃើញខ្លួនមានឱកាសល្អក៏បើកការវាយសន្ធាប់បន្តជាហេតុធ្វើឲ្យ Yinmaz សន្លប់ឈឹងតែម្ដងត្រឹមទឹកទី ៤ ៕
ខាងក្រោមជាវីដេអូការប្រកួតរបស់ អ៊ុង វីរៈ និង Yinmaz Omer ៖
អត្ថបទ៖ ស្រី សុវណ្ណដារ៉ា
