- 2015-03-27 17:28:47
- បាល់ទាត់
Pele៖ Neymar គ្មានថ្ងៃជំនួសតំណែងខ្ញុំបានទេ
- 2015-03-27 17:28:47
- ចំនួនមតិ 0 | ចំនួនចែករំលែក 0
Pele៖ Neymar គ្មានថ្ងៃជំនួសតំណែងខ្ញុំបានទេ
ចន្លោះមិនឃើញ
វីរបុរសប្រេស៊ីល Pele បាននិយាយថា Neymar ជាកំពូលកីឡាករវ័យក្មេងម្នាក់របស់ប្រេស៊ីល ប៉ុន្តែខ្សែប្រយុទ្ធ Barcelona រូបនេះមិនអាចជំនួសតំណែងស្ដេចបាល់ទាត់របស់ខ្លួនបានឡើយ ទោះជាអាចរកគ្រាប់បាល់បាន៤៣គ្រាប់ឱ្យជម្រើសជាតិហើយក្ដី។
Neymar អាចរកគ្រាប់បាល់ឱ្យជម្រើសជាតិប្រេស៊ីលបាន៤៣គ្រាប់ហើយ ត្រឹមវ័យ២៣ឆ្នាំនេះ ខណៈដែលកំណត់ត្រារបស់លោក Pele វិញរកបាន៧៧គ្រាប់ក្នុងអាជីពនៅក្រុមជម្រើសជាតិ។ នេះសបញ្ជាក់ឱ្យឃើញថា កំណត់ត្រាអ្នករកគ្រាប់បាល់បានច្រើនជាងគេនៅប្រេស៊ីលរបស់បុរសវ័យ៧៤ឆ្នាំរូបនេះ អាចថ្ងៃណាមួយ Neymar នឹងបំបែកបានជាមិនខាន។
ទោះជាយ៉ាងនេះក្ដី លោក Pele បែរជាយល់ថា៖ “ខ្ញុំគិតថា គាត់មិនអាចក្លាយជា King ថ្មី ឬ Pele ថ្មីនៅប្រេស៊ីលបានទេ។ ឪពុកម្ដាយខ្ញុំមានតែខ្ញុំម្នាក់គត់។ ខ្ញុំគិតថាគាត់ជាកីឡាករល្អម្នាក់ ជាក្មេងដ៏អស្ចារ្យហើយគាត់អាចនឹងក្លាយជាតារាល្បីបានទៅថ្ងៃអនាគត”។
សូមបញ្ជាក់ថា Pele ជាកំពូលកីឡាករម្នាក់របស់ប្រេស៊ីលដែលអាចជួយក្រុមជម្រើសជាតិនេះលើកពាន FIFA World Cup បានរហូតដល់ទៅ៣ដងឯណោះ។ ចំណែកចំនួនប្រកួតដែលបុរសកូន៦នាក់រូបនេះចូលលេងវិញមានរហូតដល់៩២ប្រកួត និងរកគ្រាប់បាល់បាន៧៧គ្រាប់៕
ចុះតាមគំនិតមិត្តអ្នកអានវិញ តើគិតថាទៅថ្ងៃអនាគតទៅ Neymar អាចជំនួសតំណែង Pele បានដែរឬអត់?
ប្រែសម្រួល៖ មុន្នី រម្យ ប្រភព៖ dailymail
