- 2015-02-01 13:28:03
- ប្រដាល់
អ៊ុំ ចំរើនប៉ះថៃ ខណៈ ពេជ្រ សីហាប៉ះជើងខ្លាំងអាមេរិកធ្លាប់ឡើងសង្វៀន Thai Fight
- 2015-02-01 13:28:03
- ចំនួនមតិ 0 | ចំនួនចែករំលែក 0
អ៊ុំ ចំរើនប៉ះថៃ ខណៈ ពេជ្រ សីហាប៉ះជើងខ្លាំងអាមេរិកធ្លាប់ឡើងសង្វៀន Thai Fight
ចន្លោះមិនឃើញ
អ្នកប្រដាល់ជើងខ្លាំង អ៊ុំ ចំរើន ត្រៀមប៉ះជើងខ្លាំងថៃ Kwanmoung ខណៈ ពេជ្រ សីហា ត្រៀមស្វាគមន៍កីឡាករមកពីអាមេរិក Warrin Stavone ក្នុងព្រឹត្តិការណ៍ ខារ៉ាប៉ាវ នាល្ងាចថ្ងៃ អាទិត្យ ទី១ ខែកុម្ភៈ ឆ្នាំ២០១៥ នេះនៅស្ថានីយទូរទស្សន៍បាយ័នស្ទឹងមានជ័យ។
អ្នកប្រដាល់គុនគ្រូតាមរបៀបក្រមុំតែងខ្លួន អ៊ុំ ចំរើន បាននិយាយថា ខ្លួនមិនព្រួយបារម្ភអ្វីទេសម្រាប់ជំនួបនៅល្ងាចនេះ។ កីឡាកររូបនេះបានផ្អាកការសិក្សាជាបណ្តោះអាសន្នដើម្បីត្រៀមការប្រកួត ហើយរបៀបការប្រកួតរបស់ Kwanmoung រួចហើយកីឡាករថៃរូបនេះពូកែទាត់ និងចូលឡាំឡើងជង្គង់។
«ខ្ញុំមានក្ដីសង្ឃឹមរហូតដល់ទៅ ៩០ %បង! Kwanmoung មិនមានអ្វីឲ្យខ្ញុំព្រួយបារម្ភទេ របៀបទាត់និងចូលឡាំរបស់គេ ខ្ញុំបានត្រៀមការពាររួចហើយ។ «កីឡាករណាក៏ដោយឲ្យតែបានហ្វឹកហាត់ពេញលេញពិតជាអាចយកឈ្នះគូប្រកួតបាន ជាពិសេសត្រូវមើលថាតើដៃគូរបស់យើងមានក្បាច់របៀបណា»។
អ៊ុំ ចំរើន ជាកីឡាករមកពីក្លិបតាឡីមានរិទ្ធិ កម្ពស់ ១.៦៨ ម៉ែត្រធ្លាប់ប្រកួតបាន ៩២ ដងឈ្នះ ៦៣ ដងចាញ់ ២២ និងស្មើ ៧ដង ខណៈ Tham Pakornlek Aor Kwanmoung មានកម្ពស់ ១.៦៨ ម៉ែត្រធ្លាប់ប្រកួតបាន ៩០ ដងឈ្នះបាន ៧០ ដងចាញ់ ១៥ និងស្មើ ៥ ដងផងដែរកីឡាករទាំងពីប្រកួតក្នុងប្រភេទទម្ងន់ ៦៥ គីឡូក្រាម។ ប្រកួតចុងក្រោយរបស់គេឈ្នះកីឡាករកម្ពុជាថៃ ប៊ុនហាន។
កីឡាករ អ៊ុំ ចំរើន
ចំណែកអ្នកប្រដាល់ដៃរហ័ស ពេជ្រ សីហា ត្រូវស្វាគមន៍ Warrin Stavone មកពីអាមេរិក។ សីហា និយាយថា នេះមិនមែនជាលើកទីមួយទេចំពោះរូបគេដែលជួបកីឡាករបរទេសហើយក៏មិនបារម្ភអ្វីឡើយល្ងាចនេះ។
សីហានិយាយថា «ខ្ញុំមានទំនុកចិត្តឈ្នះ Warrin Stavone បាន ៧០ % នេះបើតាមការតាមដានការប្រកួតរបស់ខ្ញុំ។ ការប្រកួតនេះ ខ្ញុំជើថាអត់អីទេបង ពិតជាឈ្នះ ម្យ៉ាងនៅស្រុកយើងហើយមានអ្នកគាំទ្រច្រើនទៀត»។
សីហាបានឲ្យដឹងថា Warrin Stavone ពូកែប្រើដៃ និងជើងឆ្វេង ហើយភាពខ្លាំងរបស់គេត្រង់កណ្ដាប់ដៃ និងមិនមានភាពថមថយកម្លាំងឡើយ។ កីឡាករអាមេរិកម្នាក់នេះធ្លាប់ប្រកួតក្នុងព្រឹត្តិការណ៍ Thai Fight ដោយគ្រាន់តែចាញ់ពិន្ទុ Antone Pinto ដែលធ្លាប់ឈ្នះ សេន ប៊ុនថេន។
ពេជ្រ សីហា មានកម្ពស់ ១.៧០ ម៉ែត្រធ្លាប់ប្រកួតបាន ៩៦ ដងឈ្នះ ៧៤ ចាញ់ ១៦ ស្មើ ៦ និងផ្នូលដៃគូឲ្យសន្លប់បាន ២៦ ដង។ ចំពោះ Warrin Stavone ជាកីឡាករមកពី USA មានកម្ពស់ ១.៧២ ម៉ែត្រធ្លាប់ប្រកួតបាន ២៦ ដងឈ្នះ ១៦ ចាញ់ ១០ ហើយធ្លាប់ផ្ដួលដៃគូឲ្យសន្លប់បាន ២ ផងដែរកីឡាករទាំងពីប្រកួតក្នុងប្រភេទទម្ងន់ ៦៨ គីឡូក្រាម។
ក្នុងពេលជាមួយគ្នានោះដែរក៏មានការប្រកួតមិត្តភាពកម្ពុជា ពីគូទៀតគឺរវាង កីឡាករ ឯម វិចិត្រ ប៉ះនិង ពេជ្រ ប៊ុនធឿន ជាគូបើកឆាក និងមួយគូទៀត ជាការជួបគ្នារវាង ឃឹត ទូច ប្រកួតជាមួយ ឌុច ឌួង ដែលជាគូចុងក្រោយផងដែរ៕
វីដេអូ អ៊ុំ ចំរើន ហ្វឹកហាត់ http://youtu.be/JSP3SwMoFrc
អត្ថបទ ៖ ស្រី សុវណ្ណដារ៉ា
