- 2014-12-09 18:53:09
- ប្រដាល់
ប្រកួតប្រដាល់អន្តរជាតិអបអរបុណ្យសមុទ្រនៅកោះកុង
- 2014-12-09 18:53:09
- ចំនួនមតិ 0 | ចំនួនចែករំលែក 0
ប្រកួតប្រដាល់អន្តរជាតិអបអរបុណ្យសមុទ្រនៅកោះកុង
ចន្លោះមិនឃើញ
កម្ពុជានឹងរៀបចំការប្រកួតប្រដាល់មិត្តភាពអន្តរជាតិមួយនៅខេត្តកោះកុង នាថ្ងៃបុណ្យសមុទ្រចាប់ពីថ្ងៃសុក្រ ទី១២ ខែធ្នូ ឆ្នាំ២០១៤ តទៅ ដែលក្នុងនោះអ្នកលេងកណ្ដាប់ដៃកម្ពុជា នឹងត្រូវស្វាគមន៍អ្នកលេងឆ្លងដែនមកពីថៃពីរថ្ងៃជាប់គ្នា។
សម្រាប់កម្មវិធីប្រកួតនៅថ្ងៃសុក្រ ទី១២ ខែធ្នូ ឆ្នាំ២០១៤ កីឡាករ ហ៊ុន ឈុនហេង មកក្លិបកីឡាប្រដាល់ក្រសួងមហាផ្ទៃ ដែលត្រូវធ្វើការប្រកួតក្នុងប្រភេទទម្ងន់៥២គីឡូក្រាម រីឯកីឡាករ ឈិត ក្វាន់ងុយ មកពីក្លិបម្កុដរាជសីហ៍ ត្រូវជួបកីឡាករថៃក្នុងប្រភេទទម្ងន់៦៣.៥គីឡូក្រាម។ រីឯការប្រកួតនៅថ្ងៃសៅរ៍ ទី១៣ ខែធ្នូ ឆ្នាំ២០១៤វិញ កីឡាករ សូត្រ ប៊ុនធី មកក្លិបបក្សីស្លាបដែក និងឈាន ហុង មកសមាគមន៍កីឡាប្រដាល់ក្រសួងការពារជាតិ នឹងត្រូវដឹកដៃគ្នាឡើងតតាំងនឹងកីឡាករថៃក្នុងប្រភេទទម្ងន់៦០គីឡូក្រាមដូចគ្នា។យ៉ាងណាក្ដី មកទល់នឹងពេលនេះដៃគូប្រកួតខាងថៃ នៅមិនទាន់មានព័ត៌មានបញ្ជាក់ឲ្យច្បាស់ការនោះទេ។
ដោយឡែក ក្រៅពីគូអន្តរជាតិទាំងពីរខាងលើក៏នៅមានការជួបគ្នារវាងកីឡាករកម្ពុជា និងកីឡាករកម្ពុជាជាច្រើនគូទៀត ហើយក្នុងនោះក៏មានកីឡាការិនីមួយគូផងដែរ ដែលជាការជួបគ្នារវាងកីឡាការិនី អេ យ៉ានុត កូនស្រីរបស់អធិរាជប្រដាល់ អេ ភូថង ត្រូវប៉ះគ្នានឹងកីឡាការិនី វី ស្រីឆាយ មកពីក្លិបនាគមានជ័យ ក្នុងប្រភេទទម្ងន់៥៧គីឡូក្រាម។
បងប្អូននៅខេត្តកោះកុងកុំភ្លេចចូលរួមទស្សនាឲ្យបានច្រើនកុះករ ដើម្បីផ្ដល់កម្លាំងចិត្តដល់កីឡាករកម្ពុជា និងញ៉ាំងកម្មវិធីឲ្យកាន់តែកក្រើកទ្វេដង៕
អត្ថបទ៖ អៀង សូទ្រី
