- 2014-12-02 15:10:15
- ប្រដាល់
កូនកង្កែប សំ ថារ័ត្ន ចេញទៅប្រកួត One FC នៅហ្វីលីពីន ព្រឹកនេះ
- 2014-12-02 15:10:15
- ចំនួនមតិ 0 | ចំនួនចែករំលែក 0
កូនកង្កែប សំ ថារ័ត្ន ចេញទៅប្រកួត One FC នៅហ្វីលីពីន ព្រឹកនេះ
ចន្លោះមិនឃើញ
កីឡាការិនីល្បុក្កតោ និងជាអ្នកលេងក្នុងទ្រុងកម្ពុជាកញ្ញា សំ ថារ័ត្ន នឹងឡើងយន្តហោះធ្វើដំណើរទៅប្រទេសហ្វីលីពីនព្រឹកនេះដើម្បីប្រកួតនឹងកីឡាការិនីម្ចាស់ផ្ទះ Jujeath Nagaowa ក្នុងព្រឹត្តិការណ៍ One FC: Warrior's Way នារាត្រី ថ្ងៃសុក្រ ទី៥ ខែធ្នូ ឆ្នាំ២០១៤នៅទីក្រុងម៉ានីល។
សំ ថារ័ត្នធ្លាប់ប្រកួតក្បាច់គុនបុរាណខ្មែរជាង២០ដង និងប្រកួតក្នុង ទ្រុង One FC ម្តង ប៉ុន្តែជាការប្រកួតជាមួយមិត្តរួមជាតិដោយផ្តួលកីឡាការិនី វី ស្រីឆាយ ក្នុងទឹកទី១ ហើយក៏មិនធ្លាប់ប្រកួតជាមួយដៃគូបរទេសដែរ។ ចំណែកកីឡាការិនីហ្វីលីពីន Nagaowa ធ្លាប់ប្រកួតប្រដាល់សាកលអាជីព២៥ដងក្នុងនោះឈ្នះ១២ដង និងចាញ់១៣ដងដោយធ្លាប់គ្រងខ្សែក្រវាត់ WBC Asia Atomweight Champion ថែមទៀត។ ចំពោះបទពិសោធន៍ក្នុងទ្រុងវិញ នាងបានផ្តួលកីឡាការិនីឥណ្ឌា Jeet Toshi ដោយកណ្តាប់ដៃក្នុងទឹកទី២៕
Sabay សូមជួនពរកញ្ញាឲ្យទទួលបានជោគជ័យសម្រាប់ការប្រកួតនេះ និងសាងប្រវត្តិសាស្ត្រសម្រាប់ប្រទេសជាតិ។
អត្ថបទ៖ ជាន ចាន់រ៉ា
