- 2024-10-16 05:50:00
- ប្រដាល់
ប្រធានសហព័ន្ធប្រដាល់គុនខ្មែរ៖ ការប្រកួតនៅអង់គ្លេសនេះ ឈ្នះ ឬ ចាញ់ ក៏ដោយសូមប្រឹងប្រែងឲ្យអស់ពីសមត្ថភាព
- 2024-10-16 05:50:00
- ចំនួនមតិ 0 | ចំនួនចែករំលែក 0
ប្រធានសហព័ន្ធប្រដាល់គុនខ្មែរ៖ ការប្រកួតនៅអង់គ្លេសនេះ ឈ្នះ ឬ ចាញ់ ក៏ដោយសូមប្រឹងប្រែងឲ្យអស់ពីសមត្ថភាព
ចន្លោះមិនឃើញ
ប្រធានសហព័ន្ធប្រដាល់គុនខ្មែរ បានលើកទឹកចិត្តដល់កីឡាករទាំង ៣រូបរួមមាន ព្រំុ សំណាង រឿង សោភ័ណ្ឌ និង ថៃ រ៉េត សម្រាប់ការប្រកួតនៅប្រទេសអង់គ្លេសនេះលទ្ធផល ឈ្នះ ឬ ចាញ់ យ៉ាងណាក៏ដោយត្រូវប្រឹងប្រែងប្រកួតឲ្យអស់ពីសមត្ថភាពបង្ហាញគុនខ្មែរទៅកាន់ពិភពលោក។
ឯកឧត្ដម ខូវ ឆាយ បានឲ្យដឹងថា ក្នុងនាមជាអ្នកជំនាន់ក្រោយ និងជាកូនខ្មែរគ្រប់រូបត្រូវតែចូលរួមផ្សព្វផ្សាយកេរ្តិ៍មរតកក្បាច់គុនបុរាណដែលជារបស់ខ្មែរមានជាយូរលង់មកហើយឲ្យពិភពលោកបានស្គាល់ និងដឹងពីភាពអស្ចារ្យ។
ដូច្នេះហើយចំពោះការចេញទៅប្រកួតនៅឯប្រទេសអង់គ្លេសលើកនេះសូមកីឡាករទាំង៣រូបប្រឹងប្រែងហ្វឹកហាត់ និងប្រកួតឲ្យអស់ពីសមត្ថភាពដើម្បីបង្ហាញសិល្បៈក្បាច់គុនបុរាណនេះដល់អ្នកទស្សនាពិសេសខាងផ្នែកអឺរ៉ុបនេះតែម្ដង។ បើទោះជាលទ្ធផលឈ្នះ ឬចាញ់យ៉ាងណាក៏ដោយគឺត្រូវប្រឹងប្រែងបំផុត ព្រោះនេះជាឱកាសល្អ និងកម្រមានផងដែរ។
បញ្ជាក់ដែរថា កាលពីថ្ងៃទី១៤ ខែតុលា ឆ្នាំ២០២៤ នេះសហព័ន្ធប្រដាល់គុនខ្មែរបានធ្វើសន្និសីទសារព័ត៌មានប្រកាសពីការចេញទៅប្រកួតគុនខ្មែរនៅឯប្រទេសអង់គ្លេសដោយមានកីឡាករ ៣រូបរួមមាន ព្រុំ សំណាង រឿង សោភ័ណ្ឌ និង ថៃ រ៉េត។ អ្នកទាំង៣នឹងប្រកួតនៅទីក្រុងឡុង ប្រទេសអង់គ្លេស ក្នុងកម្មវិធី MTGP Fight Night London ថ្ងៃទី១៩ ខែតុលា ឆ្នាំ២០២៤ វេលាម៉ោង៧យប់ នៅអង់គ្លេស ត្រូវនិងម៉ោង ១:០០ រំលងអាធ្រាត្រ ឈានចូលថ្ងៃទី២០ តុលា នៅកម្ពុជា៕
