- 2024-08-28 04:15:18
- ប្រដាល់
ឯកឧត្ដម ខូវ ឆាយ៖ មានបញ្ហាចម្រូងចម្រាសរឿងការដាក់ពិន្ទុកន្លងទៅក្ដី សហព័ន្ធគ្មានគម្រោងធ្វើទំនើបកម្មការដាក់ពិន្ទុដូចស៊ីហ្គេមនោះទេ
- 2024-08-28 04:15:18
- ចំនួនមតិ 0 | ចំនួនចែករំលែក 0
ឯកឧត្ដម ខូវ ឆាយ៖ មានបញ្ហាចម្រូងចម្រាសរឿងការដាក់ពិន្ទុកន្លងទៅក្ដី សហព័ន្ធគ្មានគម្រោងធ្វើទំនើបកម្មការដាក់ពិន្ទុដូចស៊ីហ្គេមនោះទេ
ចន្លោះមិនឃើញ
សហព័ន្ធប្រដាល់គុនខ្មែរមួយរយៈពេលចុងក្រោយនេះហាក់រងការរិះគន់ច្រើនពីមហាជនពិសេសការដាក់ពិន្ទុ និងកាត់សេចក្ដីចាញ់-ឈ្នះតែម្ដង យ៉ាងណាប្រធានសហព័ន្ធក៏គ្មានគម្រោងធ្វើទំនើបកម្ម ឬផ្លាស់ប្ដូរឲ្យដូចទៅនិងការប្រកួតនៅស៊ីហ្គេមឡើយ។
ឆ្លើយតបនិងសំនួរអ្នកសារព័ត៌មាននាពេលកន្លងទៅ «ដោយសារតែបញ្ហាការដាក់ពិន្ទុមានជាបន្តបន្ទាប់ មហាជនរិះគន់ច្រើនលើរឿងទាំងនេះដែរ តើសហព័ន្ធមានគម្រោងផ្លាស់ប្ដូរ ឬធ្វើឲ្យដូចការប្រកួតនៅស៊ីហ្គេមដែរទេ?» ឯកឧត្ដម ខូវ ឆាយ ប្រធានប្រដាល់គុនខ្មែរឆ្លើយតបថា មិនចាំបាច់ទៅធ្វើដូចនៅស៊ីហ្គេមអ្វីនោះទេ ព្រោះមនុស្សអ្នកចុចប៊ូតុងដដែលទេ។ ការប្រើដូចហ្គេមមាន Screen មើលគឺការពារគណៈវិនិច្ឆ័យកាច់លទ្ធផលចុងក្រោយប៉ុណ្ណោះ។
ប្រធានសហព័ន្ធខាងលើបន្ថែមទៀតថា ការដាក់ពិន្ទុដោយមនុស្សតែងមានការលំអៀងហើយគ្រាន់តែ តិច ឬច្រើន សូម្បីប្រដាល់កម្រិតពិភពលោកឧទាហរណ៍ ប៉ាក់គីអៅ និង ផ្លយ ក៏មានអីចឹងដែរ។ ដូច្នេះសហព័ន្ធមិនចាំបាច់ទៅផ្លាស់ប្ដូរដូចនៅស៊ីហ្គេមអ្វីនោះឡើយ ពោលគឺពង្រឹងសមត្ថភាពមន្ត្រីចៅក្រម អាជ្ញាកណ្ដាល និងពន្យល់ឲ្យធ្វើការដោយយកចិត្តទុកដាក់ដើម្បីកាត់បន្ថយលើបញ្ហាដាក់ពិន្ទុនេះឲ្យមានតិចបំផុត។
បញ្ជាក់ដែរថា ការរិះគន់ខ្លាំងរបស់មហាជនពាក់ព័ន្ធការដាក់ពិន្ទុធំៗកន្លងទៅនេះមានដូចជាលើរឿង ព្រំ សំណាង ប៉ះ Lucas Gabriel នៅស្ថានីយទូរទស្សន៍ហង្សមាស រិន ដេវីត ប៉ះ ធន់ អៀងឡៃ នៅស្ថានីយទូរទស្សន៍ថោន ជាដើម។ ការលើកឡើងរបស់ឯកឧត្ដម ខូវ ឆាយ នេះធ្វើឡើងនៅថ្ងៃទី១៣ ខែសីហា ឆ្នាំ២០២៤ ក្នុងសន្និសីទសារព័ត៌មានឯទីស្នាក់ការសហព័ន្ធប្រដាល់គុនខ្មែរពហុកីឡដ្ឋានជាតិ៕
