- 2024-08-09 06:37:41
- ប្រដាល់
ប្រធានសហព័ន្ធប្រដាល់គុនខ្មែរ ចុះលើកទឹកចិត្ត និងផ្ដល់សម្ភារ ថវិកា អង្ករ ដល់ក្លឹបដាវដែក ក្នុងខេត្តកំពង់ធំ
- 2024-08-09 06:37:41
- ចំនួនមតិ 0 | ចំនួនចែករំលែក 0
ប្រធានសហព័ន្ធប្រដាល់គុនខ្មែរ ចុះលើកទឹកចិត្ត និងផ្ដល់សម្ភារ ថវិកា អង្ករ ដល់ក្លឹបដាវដែក ក្នុងខេត្តកំពង់ធំ
ចន្លោះមិនឃើញ
សហព័ន្ធប្រដាល់គុនខ្មែរ ដឹកនាំដោយឯកឧត្ដម ខូវ ឆាយ បានចុះសួរសុខទុក្ខ និងឧបត្ថម្ភសម្ភារហ្វឹកហាត់ ថវិកា អង្ករ ដល់ក្លឹបប្រដាល់ដាវដែកគុនខ្មែរ ក្នុងស្រុកសន្ទុក ខេត្តកំពង់ធំ ដើម្បីបន្តខំប្រឹងអភិវឌ្ឍន៍ធនធានកីឡាករបន្ថែមទៀត។
បើតាមការបង្ហោះនៅលើហ្វេសបុកផេកសហព័ន្ធប្រដាល់គុនខ្មែរ ឯកឧត្ដម ខូវ ឆាយ ប្រធានសហព័ន្ធ និងសប្បុរសជន កាលពីថ្ងៃទី៨ ខែសីហា ឆ្នាំ២០២៤ នេះបានចុះទៅផ្ទាល់ដល់ក្លឹបប្រដាល់ដាវដែកគុនខ្មែរ ដែលស្ថិតនៅក្នុងឃុំកកោះ ស្រុកសន្ទុក ខេត្តកំពង់ធំ ដើម្បីសួរសុខទុក្ខ និងឧបត្ថម្ភសម្ភារហ្វឹកហាត់ អង្ករ និងថវិកាមួយចំនួន។ នេះជាការលើកទឹកចិត្ត និងជំរុញដល់បណ្ដាក្លឹបដើម្បីបន្តចូលរួមអភិវឌ្ឍន៍ធនធានកីឡាករ កីឡាការិនីឲ្យកាន់តែរីកចម្រើនបន្ថែមទៀតពិសេសត្រៀមសម្រាប់ការប្រកួតទាំងលក្ខណៈជាតិ-អន្តរជាតិ។
នេះបើតាមការផ្សព្វផ្សាយជាបន្តបន្ទាប់លើបណ្ដាញសង្គមហ្វេសបុកសហព័ន្ធប្រដាល់គុនខ្មែរគឺតាំងតែពីប្រធានសហព័ន្ធថ្មីរូបនេះចូលកាន់តំណែងមកមានសកម្មភាពជាហូរហែពិសេសការចុះផ្ទាល់ដល់ក្លឹបប្រដាល់ផ្សេងៗដែលទាំងនៅរាជធានីភ្នំពេញ និងបណ្ដាខេត្តផងដែរ៕
