- 2024-07-09 04:03:18
- ប្រដាល់
ព្រឹត្តិការណ៍គុនចម្រុះ AMMA ដែលគ្រោងធ្វើនៅកម្ពុជានេះចំណាយខ្ទង់ជាង ៣០ ម៉ឺនដុល្លារ
- 2024-07-09 04:03:18
- ចំនួនមតិ 0 | ចំនួនចែករំលែក 0
ព្រឹត្តិការណ៍គុនចម្រុះ AMMA ដែលគ្រោងធ្វើនៅកម្ពុជានេះចំណាយខ្ទង់ជាង ៣០ ម៉ឺនដុល្លារ
ចន្លោះមិនឃើញ
ព្រឹត្តិការណ៍នៃការប្រកួតគុនចម្រុះ ឬហៅថា AMMA លើកទី២ ដែលកម្ពុជាជាម្ចាស់ផ្ទះនៅថ្ងៃទី១១ ដល់ ១៣ ខែកក្កដា ឆ្នាំ២០២៤ នេះចំណាយថវិកាខ្ទង់ជាង ៣០ ម៉ឺនដុល្លារបើតាមការបញ្ជាក់ពីឯកឧត្ដម វ៉ាត់ ចំរើន នាពេលកន្លងទៅ។
ការប្រកួតដ៏ធំ និងមានប្រទេសចូលរួមជិត ២០ប្រទេសនៅអាស៊ី ដែលនឹងត្រូវមកប្រកួតនៅកម្ពុជានេះគឺកាន់តែខិតជិតដល់ថ្ងៃប្រកួតហើយ ខណៈគ្រប់ភាគីពាក់ព័ន្ធកំពុងរួសរាន់រៀបចំទីលាន ភ្លើងបំភ្លឺ និងតុបតែងឆាកផ្សេងៗយ៉ាងសកម្ម។
ងាកទៅចាប់អារម្មណ៍ខ្ទង់ចំណាយវិញឯកឧត្ដម វ៉ាត់ ចំរើន ប្រធានសហព័ន្ធកីឡាគុនចម្រុះកម្ពុជា និងជាអគ្គលេខាធិការ NOCC បានឲ្យដឹងក្នុងសន្និសីទសារព័ត៌មានថ្ងៃទី១២ ខែមិថុនា ឆ្នាំ២០២៤ ថាការរៀបចំព្រឹត្តិការណ៍ AMMA នេះចំណាយជាង ៣០ម៉ឺនដុល្លា។ ក្នុងនោះថវិកាជាង ៩០% ជាការជួយរ៉ាប់រងចេញពីសហព័ន្ធកីឡាគុនចម្រុះអាស៊ីតែម្ដង ដោយឡែកកម្ពុជាបានរកអ្នកឧបត្ថម្ភគាំទ្រជួយក្នុងព្រឹត្តិការណ៍នេះបានបន្តិចបន្តួចប៉ុណ្ណោះ។
បញ្ជាក់ដែរថា ការប្រកួតជ្រើសរើសជើងឯកអាស៊ី កីឡាគុនចម្រុះ (AMMA) លើកទី២ នេះនឹងធ្វើឡើងនៅថ្ងៃទី១១ ដល់ ១៣ ខែកក្កដា ឆ្នាំ២០២៤ ក្នុងពហុកីឡដ្ឋានជាតិ។ កម្ពុជាដាក់កីឡាករឆ្នើមៗ ១៦រូបចូលរួមប្រជែងមេដាយក្នុងនោះមាន ចាន់ រតនា មាស ម៉ើ ចាន់ សំអាត ឡុង ឡា និងកីឡាករ កីឡាការិនីផ្សេងៗទៀត៕
