- 2024-05-14 07:31:37
- ប្រដាល់
លោក KOZO FUJINAGA ៖ ការចូលរួមប្រកួតនេះគឺមិនចង់បានល្បីអ្វីនោះទេគោលបំណងជួយកុមារកម្ពុជាមួយប៉ុណ្ណោះ
- 2024-05-14 07:31:37
- ចំនួនមតិ 0 | ចំនួនចែករំលែក 0
លោក KOZO FUJINAGA ៖ ការចូលរួមប្រកួតនេះគឺមិនចង់បានល្បីអ្វីនោះទេគោលបំណងជួយកុមារកម្ពុជាមួយប៉ុណ្ណោះ
ចន្លោះមិនឃើញ
លោក KOZO FUJINAGA ជនជាតិជប៉ុនដែលឡើងប្រកួតប្រដាល់សប្បុរសធម៌កាលពីថ្ងៃទី១០ ខែឧសភា ឆ្នាំ២០២៤ កន្លងទៅនេះមិនមានបំណងចង់ល្បីអ្វីនោះទេ អារម្មណ៍ផ្ទាល់ខ្លួនតែមួយគត់គឺជួយកុមារកំព្រាកម្ពុជាតែប៉ុណ្ណោះ។
លោក KOZO FUJINAGA បានឲ្យដឹងថា លោករីករាយ និងសប្បាយចិត្តមែនទែនដែលបានចូលរួមការប្រកួតសប្បុរសធម៌កាលពីថ្ងៃទី១០ ឧសភា កន្លងទៅថ្មីៗនេះ។ ពិសេសនោះគឺការបានជួយដល់កុមារកំព្រាកម្ពុជាដែលជួបទុក្ខលំបាកតាមលទ្ធភាពដែលលោកអាចធ្វើទៅបាន។
បុរសវ័យ ៦៣ឆ្នាំខាងលើបន្ថែមទៀតថា អារម្មណ៍តែមួយគត់សម្រាប់លោកចំពោះការប្រកួតសប្បុរសធម៌នេះគឺបានជួយដល់ក្មេងៗប៉ុណ្ណោះ មិនមានបំណងធ្វើឡើងដើម្បីល្បីឈ្មោះ ឬចង់ឲ្យមានការសរសើរអ្វីនោះឡើយ។ ប្រសិនបើមានកម្មវិធីក្រោយៗទៀតបើសុខភាព ឬរាងកាយអំណោយផលអាចឡើងប្រកួតបានលោកនឹងរីករាយប្រកួតសប្បុរសធម៌នេះបន្តទៀត។
លោក KOZO FUJINAGA ថ្លែងអំណរគុណម្ចាស់ឧបត្ថម្ភធំ TV Tower ដែលបានខិតខំរៀបចំការប្រកួតនេះឡើង។ TV Tower ជាអគារដែលរឹងមាំល្អមានគុណភាពខ្ពស់ និងកាន់តែពិសេសទៀតនោះការសាងសង់អគារជាការបង្កើនទំនាក់ទំនងរវាងកម្ពុជា-ជប៉ុនផងដែរ។
រំលឹកដែរថា កាលពីថ្ងៃទី១០ ខែឧសភា ឆ្នាំ២០២៤ ក្រុមហ៊ុន LDST Development បានរៀបចំការប្រកួតប្រដាល់សប្បុរសធម៌ Cambodia-Japan Charity Fight ដែលមានចម្រុះជាតិសាសន៍មកចូលរួមប្រកួតនៅសាលក្នុងពហុកីឡដ្ឋានជាតិ។ លោក KOZO FUJINAGA ដែលមានវ័យរហូតដល់ ៦៣ឆ្នាំហើយនោះក៏បានឡើងប្រកួតដោយមិនយកតម្លៃខ្លួន ឬប្រាក់រង្វាន់ក្នុងកម្មវិធីនោះផងដែរដើម្បីជួយដល់កុមារកំព្រាកម្ពុជា៕
