/65bcd03017a1d_1706872860_medium.jpg)
- 2024-02-02 12:41:30
- បាល់ទាត់
Neymar រងការរិះគន់រឿងឡើងទម្ងន់
- 2024-02-02 12:41:30
- ចំនួនមតិ 0 | ចំនួនចែករំលែក 0
Neymar រងការរិះគន់រឿងឡើងទម្ងន់
ចន្លោះមិនឃើញ
ខ្សែប្រយុទ្ធប្រេស៊ីល Neymar Jr បានរងការរិះគន់ពីមជ្ឈដ្ឋានមួយចំនួនក្នុងបណ្ដាញសង្គមរឿងឡើងទម្ងន់។
កាលពីពេលថ្មីៗនេះ មានការចែកចាយរូបភាពមួយសន្លឹកដែលបង្ហាញថា Neymar ហាក់បានប្រែប្រួលរូបរាង។ រហូតមកទល់ពេលនេះ មិនទាន់មានប្រភពច្បាស់លាស់អាចបញ្ជាក់ថារូបថតទាំងនោះ ថតនៅពេលណា និងនៅកន្លែងណានោះឡើយ។
ក្រោយមានការចែកចាយនេះ មជ្ឈដ្ឋានមួយចំនួនក្នុងបណ្ដាញសង្គមបានធ្វើការរិះគន់ធ្ងន់ៗលើ Neymar។ មតិដែលលើកឡើងនោះភាគច្រើនរិះគន់ទាក់ទងនឹងបញ្ហាវិន័យរបស់កីឡាករវ័យ ៣១ ឆ្នាំរូបនេះ ដែលបណ្តែតបណ្ដោយខ្លួនឲ្យផ្លាស់ប្ដូររូបរាងបែបនេះ។
យ៉ាងនេះក្ដី បន្ទាប់ពីការលេចចេញរូបថតទាំងប៉ុន្មានខាងលើ Neymar បានឆ្លើយតបក្នុងគណនី Instagram របស់ខ្លួន ដោយទទួលស្គាល់ថា ខ្លួនបានឡើងគីឡូ ប៉ុន្តែមិនមែនធាត់នោះទេ។ កីឡាករក៏បានស្នើបែបចំអកឲ្យអ្នកស្អប់ខ្លួនឲ្យសម្រាកបន្តិចទៅ។
Neymar បានចេញពី PSG មកចូលរួមក្លឹបអារ៉ាប៊ីសាអ៊ូឌីត Al Hilal កាលពីខែសីហា ឆ្នាំ២០២៣។ កាលពីខែតុលាឆ្នាំមុន ក្នុងអំឡុងពេលលេងឲ្យប្រេស៊ីល កីឡាករបានរងរបួសជង្គង់ធ្ងន់ធ្ងរដែលនាំឲ្យខ្សែប្រយុទ្ធរូបនេះសម្រាករហូតដល់ចប់រដូវកាល ២០២៣/២០២៤៕
