- 2024-01-18 10:17:32
- ប្រដាល់
សហព័ន្ធប្រដាល់សកល៖ វគ្គបណ្ដុះបណ្ដាលគ្រូបង្វឹកថ្នាក់ជាតិជាឱកាសពង្រឹងបច្ចេកទេសថ្មីៗ
- 2024-01-18 10:17:32
- ចំនួនមតិ 0 | ចំនួនចែករំលែក 0
សហព័ន្ធប្រដាល់សកល៖ វគ្គបណ្ដុះបណ្ដាលគ្រូបង្វឹកថ្នាក់ជាតិជាឱកាសពង្រឹងបច្ចេកទេសថ្មីៗ
ចន្លោះមិនឃើញ
អគ្គលេខាធិការសហព័ន្ធប្រដាល់សកលកម្ពុជា ថាវគ្គបណ្ដុះបណ្ដាលគ្រូបង្វឹកថ្នាក់ជាតិដែលបញ្ចប់ទៅនេះគឺមានសារសំខាន់ចំពោះគ្រូបង្វឹកតាមបណ្ដាក្លឹបឲ្យទទួលបានចំណេះដឹង និងបច្ចេកទេសថ្មីៗពីក្រៅប្រទេស។
ឯកឧត្ដម ប៊ុយ សុភ័ណ្ឌ អគ្គលេខាធិការសហព័ន្ធប្រដាល់សកល បានឲ្យដឹងថា វគ្គបណ្ដុះបណ្ដាលដែលមានរយៈពេល ៤ថ្ងៃនេះគឺល្អ និងមានសំខាន់ពិសេសគ្រូៗដែលទើបតែបញ្ជូនកីឡាករ កីឡាការិនី មកប្រកួតជើងឯកថ្នាក់ថ្មីៗនេះ។
វគ្គនេះគឺបានបង្ហាត់បង្ហាញពីចំណេះដឹងថ្មីៗ បច្ចេកទេសថ្មីដែលប្រដាល់សកលលើពិភពលោកមានការកែប្រែ និងបច្ចេកទេសប្លែកថ្មី។ ដូច្នេះហើយសិក្ខាកាមដែលជាគ្រូៗមកចូលរួមវគ្គនេះគឺមានចំណេះ និងទទួលបានបច្ចេកទេសនេះហើយអាចយកទៅចែករំលែក ឬបង្ហាត់បង្រៀនសិស្សបន្តទៀតបានដើម្បីបង្កើនសមត្ថភាពឲ្យខ្លាំងជាងនេះហើយត្រៀមការប្រកួតធំៗជាច្រើននៅក្នុងឆ្នាំ២០២៤ នេះបាន។
បញ្ជាក់ដែរថា វគ្គបណ្ដុះបណ្ដាលគ្រូបង្វឹកប្រដាល់សកលថ្នាក់ជាតិ ឆ្នាំ២០២៤ នេះធ្វើឡើងរយៈពេល ៤ថ្ងៃចាប់ពីថ្ងៃទី១៥ ដល់ ១៨ ខែមករា ឆ្នាំ២០២៤ នៅសាលហ្វឹកហាត់ប្រដាល់សកលក្នុងពហុកីឡដ្ឋានជាតិ។ សិក្ខាកាមចូលរួមសរុប ២៥នាក់ ស្រី១នាក់ មកពីបណ្ដារាជធានី-ខេត្ត៕
SabayOne កម្មវិធីកម្សាន្តថ្មីរបស់ Sabay បើកឲ្យប្រើសាកល្បងពីពេលនេះ! ចុះឈ្មោះតាមរយៈតំណភ្ជាប់នេះ https://bit.ly/3QVlYVB
