- 2023-10-24 09:07:04
- ប្រដាល់
លោក នួន សូរិយា៖ សុខ ធី និង ពេជ្រ សម្បត្តិ ល្អដូចគ្នាដូច្នេះទុកឲ្យប៉ះបរទេសទៅ
- 2023-10-24 09:07:04
- ចំនួនមតិ 0 | ចំនួនចែករំលែក 0
លោក នួន សូរិយា៖ សុខ ធី និង ពេជ្រ សម្បត្តិ ល្អដូចគ្នាដូច្នេះទុកឲ្យប៉ះបរទេសទៅ
ចន្លោះមិនឃើញ
អតីតអ្នកប្រដាល់ល្បីឈ្មោះកម្ពុជា នួន សូរិយា សរសើរ សុខ ធី មិនដាច់ពីមាត់បន្ទាប់ពីកីឡាកររូបនេះធ្វើបានល្អ និងឈ្នះពានរង្វាន់នៅ Town ហើយមិនចង់ឲ្យប៉ះ ពេជ្រ សម្បត្តិ នោះទេសុទ្ធតែល្អទុកប៉ះបរទេសទៅ។
លោក នួន សូរិយា បានលើកឡើងក្នុងការឡាយហ្វេសបុក (Live) ថាកីឡាករ សុខ ធី គឺក្បាច់ល្អមែនទែនជាពិសេសថ្ងៃដណ្ដើមពានរង្វាន់សង្វៀន Town កាលពីថ្ងៃអាទិត្យ ទី២២ ខែតុលា ២០២៣។ ចំណុចល្អរបស់កីឡាកររូបនេះគឺវ៉ៃឆ្លាត វ៉ៃដោយមានការប្រុងប្រយ័ត្នខ្ពស់ មិនចេះតែវ៉ៃផ្ដេសផ្ដាសនោះឡើយ។ ចេះវ៉ៃសន្សំពិន្ទុ ចេះវ៉ៃសន្សំកម្លាំង។
ឆ្លើយតបអ្នកគាំទ្រចង់ឲ្យ សុខ ធី ប៉ះ ពេជ្រ សម្បត្តិ លោក នួន សូរិយា បញ្ជាក់ថាគូនេះល្អដូចគ្នាដូច្នេះមិនចង់ហ៊ានវិភាគនោះទេ។ សម្បត្តិ ល្អបុក ប៉ះកីឡាករណាក៏វ៉ៃបាន។ ចំណែក សុខ ធី ល្អក្បាច់ ហេតុនេះសុទ្ធតែល្អដូចគ្នាដូច្នេះតាមចិត្តរបស់លោកកុំប៉ះគ្នាទុកវ៉ៃបរទេសវិញទៅ។
រំលឹកដែរថា កីឡាករ សុខ ធី ជាអ្នកប្រដាល់ល្បីឈ្មោះមួយរូបនៅកម្ពុជា។ កាលពីថ្ងៃអាទិត្យទី២២ តុលា នេះរូបគេទើបឈ្នះម៉ារ៉ាតុងទទួលបានពានមួយនៅសង្វៀន Town។ ប្រកួតផ្ដាច់ព្រ័ត្រចុងក្រោយគឺឈ្នះជើងខ្លាំងប្រេស៊ីល អាឡិច សាន់ដ្រូ របស់ក្លឹបខ្លារខិនទៀតផង។ ចំណែក សម្បត្តិ បច្ចុប្បន្ននេះកំពុងឡើងខ្លាំងមែនទែន ឈ្នះគ្រប់សង្វៀនរួមទាំងកីឡាករ ឃីម បូរ៉ា ថែមទៀត៕
