- 2023-09-12 06:01:46
- ប្រដាល់
អេដមីន គឹម សង់៖ បើ ឃីម បូរ៉ា ចង់សងសឹក ពេជ្រ សម្បត្តិ គួរបន្ថែម ២ចំណុចនេះ
- 2023-09-12 06:01:46
- ចំនួនមតិ 0 | ចំនួនចែករំលែក 0
អេដមីន គឹម សង់៖ បើ ឃីម បូរ៉ា ចង់សងសឹក ពេជ្រ សម្បត្តិ គួរបន្ថែម ២ចំណុចនេះ
ចន្លោះមិនឃើញ
អេដមីនប្រដាល់ល្បីឈ្មោះ លោក គឹម សង់ យល់ឃើញថាប្រសិនបើកីឡាករ ឃីម បូរ៉ា ចង់សងសឹកលើ ពេជ្រ សម្បត្តិ នោះគួរបន្ថែម២ចំណុចនេះ ទី១ កម្លាំងស៊ុហ្វ និងទី២ ហ្វឹកហាត់វ៉ៃកាត់ ឬវ៉ៃត្រង់ឲ្យបានច្រើន។
ជំនួបការពារ និងដណ្ដើមខ្សែក្រវាត់រវាង ឃីម បូរ៉ា និង ពេជ្រ សម្បត្តិ ធ្វើឲ្យមហាជនគាំទ្រប្រដាល់មានការពេញចិត្ត និងបានទស្សនាច្រើនមែនទែនលើហ្វេសបុក។ យ៉ាងណាការប្រកួតបានបញ្ចប់ហើយលទ្ធផលក៏មានចាញ់ឈ្នះរួចផងដែរគឺ សម្បត្តិ ជាអ្នកគ្រង់ខ្សែក្រវាត់២គ្រឿងរបស់សង្វៀន ទទក អបដោយទឹកប្រាក់ ១,៨៨៩ ដុល្លារ។
អេដមីន គឹម សង់ បានបង្ហាញការយល់ឃើញថាគូនេះប្រសិនបើមានការសងសឹកពិសេសគឺកីឡាករ ឃីម បូរ៉ា គួរហ្វឹកហាត់ ឬពង្រឹងសមត្ថភាពបន្ថែមទៀតដូចខាងក្រោម៖
ទី១ កម្លាំងស៊ុហ្វ៖ ការប្រកួត៥ទឹកកន្លងទៅសាច់វ៉ៃគឺ ឃីម បូរ៉ា វ៉ៃចូលច្រើនជាង និងចំគោលដៅ ប៉ុន្តែមិនអាចធ្វើអ្វី សម្បត្តិ បាន។ ចំពោះ ពេជ្រ សម្បត្តិ វិញបានវ៉ៃឲ្យអាជ្ញាកណ្ដាលរាប់ដល់៨លើ ឃីម បូរ៉ា នៅទឹក៤ ខណៈទឹក៥ ប្អូនប្រុសរបស់ ឌីម៉ា ចង់អស់សឹងតែទប់ សម្បត្តិ មិនចង់ជាប់ម្តងៗ។ ហេតុផលនេះហើយរឿងកម្លាំងគឺសំខាន់សម្រាប់រូបគេគួរតែហ្វឹកហាត់ទ្វេដងជាងមុន។
ទី២ ហ្វឹកហាត់ចាំវ៉ៃកាត់ និងវ៉ៃត្រង់ៗ៖ បូរ៉ា វ៉ៃបានល្អទាំងក្បាច់បុកចូល និងការចាំត្រង ប៉ុន្តែកាលនោះគឺរូបគេជ្រើសយកការវ៉ៃបុកផង និងថយផង។ ប្រសិនបើរូបគេចាំតែត្រងអាចទទួលបានលទ្ធផលល្អជាងនេះ ព្រោះកម្លាំង បូរ៉ា ខ្សោយជាង សម្បត្តិ។ ស្នៀតបោះជង្គង់របស់រូបគេធ្វើឲ្យ ពេជ្រ សម្បត្តិ ចង់យ៉ាប់ម្ដងៗទៅហើយ ដូច្នេះបើប៉ះគ្នាលើកក្រោយទៀតគួរថយទប់ហើយវ៉ៃបកទៅវិញ។
បញ្ជាក់ដែរថា ជំនួបលើកទី១ រវាង ឃីម បូរ៉ា និង ពេជ្រ សម្បត្តិ គឺធ្វើឡើងនៅសង្វៀន ទទក កាលពីថ្ងៃទី៣ ខែកញ្ញា ឆ្នាំ២០២៣។ លទ្ធផលគឺកីឡាករ ពេជ្រ សម្បត្តិ ឈ្នះពិន្ទុលើ ឃីម បូរ៉ា ទទួលបានខ្សែក្រវាត់ ទទក ១គ្រឿងទៀត អមដោយប្រាក់រង្វាន់ ១,៨៨៩ ដុល្លារ៕
