- 2023-02-06 04:12:47
- ប្រដាល់
ប្រដាល់សកលឈានមួយកម្រិតទៀតហើយបណ្ដុះអាជ្ញាកណ្ដាលកម្រិតអន្តរជាតិផ្កាយ១ ទទួលស្គាល់ពី IBA
- 2023-02-06 04:12:47
- ចំនួនមតិ 0 | ចំនួនចែករំលែក 0
ប្រដាល់សកលឈានមួយកម្រិតទៀតហើយបណ្ដុះអាជ្ញាកណ្ដាលកម្រិតអន្តរជាតិផ្កាយ១ ទទួលស្គាល់ពី IBA
ចន្លោះមិនឃើញ
សហព័ន្ធប្រដាល់សកលកម្ពុជាគឺឈានមួយកម្រិតទៀតហើយដែលបានបណ្ដុះបណ្ដាលអាជ្ញាកណ្ដាល ចៅក្រមចំនួន៨រូបដែលទទួលស្គាល់ពីស្ថាប័ន IBA ពិសេសលើការត្រៀមខ្លួនទៅស៊ីហ្គេម។
លោក ប៊ុយ សុភ័ណ្ឌ អគ្គលេខាធិការសហព័ន្ធប្រដាល់សកលបានឲ្យដឹងថា នេះជាប្រវត្តិសាស្ត្រថ្មីមួយសម្រាប់សហព័ន្ធប្រដាល់សកលផងដែរដែលមានមន្ត្រីចៅក្រម អាជ្ញាកណ្ដាលទទួលបានវិញ្ញាបនបត្រកម្រិតផ្កាយ១ ទទួលស្គាល់ពីសមាគមប្រដាល់សកលអន្តរជាតិ (IBA)។ នេះក៏ជាការសម្រេចផែនការក្នុងការអភិវឌ្ឍន៍សមត្ថភាពមន្ត្រីពិសេសឆ្ពោះទៅកាន់ការប្រកួតស៊ីហ្កេម លើកទី៣២។
តំណាងសហព័ន្ធខាងលើលើកឡើងទៀតថា នេះជាការត្រៀមលក្ខណៈសម្បត្តិបានពេញលេញសម្រាប់ចូលបំពេញការងារកាត់សេចក្ដីក្នុងព្រឹត្តិការណ៍ស៊ីហ្គេម លើកទី៣២ ដែលត្រូវឲ្យមន្ត្រីចៅក្រម អាជ្ញាកណ្ដាលចាប់ពីកម្រិតផ្កាយ១ ឡើងទៅទើបអាចអនុញ្ញាត។
រំលឹកដែរថា មន្ត្រីអាជ្ញាកណ្ដាល ចៅក្រម ៨រូបត្រូវបានបញ្ចប់ការសិក្សា និងទទួលបានវិញ្ញាបនបត្រកម្រិតផ្កាយ១ ដែលទទួលស្គាល់ពីសមាគមប្រដាល់សកលអន្តរជាតិ (IBA) កាលពីថ្ងៃទី២ ខែកុម្ភៈ ឆ្នាំ២០២៣៕
