- 2022-10-07 07:00:00
- ប្រដាល់
កំពុងផ្ទុះខ្លាំងរឿង ពេជ្រ សម្បត្តិ ស្រាប់តែ កែវ រំចង់ ដាក់ប៉ុន្មានម៉ាត់នេះផ្ញើតាមហ្វេសបុកទៅ
- 2022-10-07 07:00:00
- ចំនួនមតិ 0 | ចំនួនចែករំលែក 0
កំពុងផ្ទុះខ្លាំងរឿង ពេជ្រ សម្បត្តិ ស្រាប់តែ កែវ រំចង់ ដាក់ប៉ុន្មានម៉ាត់នេះផ្ញើតាមហ្វេសបុកទៅ
ចន្លោះមិនឃើញ
ប៉ុន្មានថ្ងៃនេះគឺមានការជជែក និងសរសើរច្រើនចំពោះកីឡាករ ពេជ្រ សម្បត្តិ បន្ទាប់ពីផ្ដួល ធន់ ផានិត វគ្គពាក់កណ្ដាលផ្ដាច់ព្រ័ត្រខ្សែក្រវាត់ខារ៉ាប៉ាវ កាលពីថ្ងៃអាទិត្យនៅសង្វៀនបាយ័ន។ ដោយឡែកសូម្បី កែវ រំចង់ ក៏បានលើកឡើងដែរអំពី ពេជ្រ សម្បត្តិ។
អតីតកីឡាករឆ្នើមរបស់កម្ពុជា កែវ រំចង់ បន្ទាប់ពីឃើញការស៊ែ និងជជែកច្រើនអំពី ពេជ្រ សម្បត្តិ លើហ្វេសបុកថ្មីៗនេះក៏បានលើកទឹកចិត្តដល់អ្នកប្រដាល់រូបនេះឲ្យតស៊ូខំប្រឹងបន្តទៀតអនាគតនៅវែងឆ្ងាយ បន្តិចទៀតនឹងជោគជ័យក្នុងជីវិត។
ជាមួយគ្នានេះដែរ រំចង់ ក៏បានផ្ដាំផ្ញើ និងដាសតឿនដល់ ពេជ្រ សម្បត្តិ ផងដែរឲ្យប្រយ័ត្នប្រយែងដៃជើង និងកុំប្រកួតញឹកញាប់ពេក។ ក្នុងន័យនេះរូបគេចង់ឲ្យចេះថែរក្សាសុខភាព ជាពិសេសលើរាងកាយតែម្ដង ព្រោះថាបើមានខូចខាត ឬបាក់បែកវានាំឲ្យ សម្បត្តិ អាចធ្លាក់សមត្ថភាពវិញ។
រំលឹកដែរថា ត្រឹមរយៈពេលប្រហែល ២ឆ្នាំប៉ុណ្ណោះ ពេជ្រ សម្បត្តិ មានការរីកចម្រើនសមត្ថភាពខ្លាំង ខណៈចំនួនប្រកួតខ្ទង់ ៤០-៥០ដងនោះទេ។ ជាពិសេសការឈ្នះជាបន្តបន្ទាប់លើរៀមច្បងក្នុងវិស័យគុនខ្មែរ និងការផ្ដួល ធន់ ផានិត ឡើងទៅវគ្គផ្ដាច់ព្រ័ត្រខ្សែក្រវាត់ខារ៉ាប៉ាវ ថ្ងៃទី២៣ ខែតុលា ២០២២ នៅសង្វៀនបាយ័ន៕
