អ្នកលេងគុនខ្មែរ ឡៅ ចិត្រា បង្ហើបពីតម្លៃខ្លួនដែលទទួលបានតាមសង្វៀនផ្សេងៗ...

2022-09-01 03:02:38
ប្រដាល់

2022-09-01 03:02:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងរបស់កម្ពុជា ឡៅ ចិត្រា ថាបើនិយាយពីតម្លៃខ្លួនប្រកួតបច្ចុប្បន្ននេះរូបគេទទួលបានចន្លោះពី ៥០០-៦០០ដុល្លារ ចំណែកការប្រកួតម្សិលមិញនៅ World Fight បានខ្ទង់ ៧០០ដុល្លារ។

កីឡាករ ឡៅ ចិត្រា

កីឡាករ ឡៅ ចិត្រា បានឲ្យដឹងថា ចំពោះតម្លៃខ្លួនឡើងសង្វៀននានាគឺរូបគេអាចទទួលបានចន្លោះពី ៥០០-៦០០ដុល្លារក្នុងមួយប្រកួត។ ដោយឡែកចំពោះការប្រកួតធំម្សិលមិញនេះទទួលបានប្រហែល ៧០០ដុល្លារ។

សិស្សគុនមកពីឆត្រយោង ៩១១ រូបនេះបន្ថែមទៀតថា កីឡាករក្មេងៗជំនាន់ក្រោយត្រូវខំប្រឹងប្រែងហ្វឹកហាត់ និងប្រកួតឲ្យបានល្អ ដើម្បីឲ្យមានកេរ្តិ៍ឈ្មោះល្បីធ្វើឲ្យខាងស្ថានីយទូរទស្សន៍ផ្សេងៗគេពេញចិត្តក៏ដូចជាផ្ដល់តម្លៃខ្លួនខ្ពស់។ បើទោះជាបច្ចុប្បន្ននេះទើបទទួលបានតម្លៃខ្លួនទាបយ៉ាងណាក្ដី ត្រូវបន្តខំប្រឹងថែមទៀតនោះនឹងអាចបានច្រើនហើយ។

រូបភាពសហព័ន្ធ

រំលឹកដែរថា ឡៅ ចិត្រា ជាកីឡាករល្បីឈ្មោះ និងស្ថិតនៅជួរមុខមួយរូបនៅកម្ពុជា។ ចំពោះតម្លៃខ្លួនកីឡាករគុនខ្មែរបច្ចុប្បន្នគឺអាស្រ័យលើសមត្ថភាពកីឡាករ និងតាមការផ្ដល់ឲ្យរបស់ស្ថានីយផ្សេងៗគ្នា៕

អត្ថបទ៖ នួន ស៊ីណា