- 2022-01-21 07:03:21
- ប្រដាល់
សូដា សូសែង ៖ មុនពេលវ៉ៃរុំអំបោះឆៅភ័យ តែដល់ពេលវ៉ៃសប្បាយវិញ
- 2022-01-21 07:03:21
- ចំនួនមតិ 0 | ចំនួនចែករំលែក 0
សូដា សូសែង ៖ មុនពេលវ៉ៃរុំអំបោះឆៅភ័យ តែដល់ពេលវ៉ៃសប្បាយវិញ
ចន្លោះមិនឃើញ
អ្នកលេងគុនខ្មែរប្រទេសទម្ងន់៥៤គីឡូក្រាម សូដា សូសែង បាននិយាយក្រោយខ្លួនយកឈ្នះទៅលើកីឡាករ ទូច ប្រុសណុច នៅសង្វៀន TVK Fighter ថា មុនពេលវ៉ៃរុំអំបោះឆៅខ្លួនភ័យៗ តែដល់ពេលបានវ៉ៃទៅជាសប្បាយវិញ។
អ្នកប្រដាល់រូបនេះបានរៀបរាប់យ៉ាងដូច្នេះថា «មុនពេលវ៉ៃខ្ញុំភ័យៗដែរបង ព្រោះអីវ៉ៃលើកដំបូង (រុំអំបោះឆៅ) ។ តែពេលបានវ៉ៃខ្ញុំគិតថាសប្បាយ...និយាយទៅវាឆាប់ដឹងលទ្ធផលឈ្នះ-ចាញ់បងបើមិនគេយើង។ បើសិនមានឱកាសខ្ញុំចង់វ៉ៃរុំអំបោះឆៅឲ្យបានច្រើនដងព្រោះអីមើលទៅចូលចិត្ត»។
អ្នកប្រដាល់ដដែលបន្ថែមថា សម្រាប់គេផ្ទាល់មានអារម្មណ៍ថា ស្រួលវ៉ៃជាងពាក់ហ្គង់ ចំពោះមូលហេតុនៃការគិតបែបនេះគេមិនអាចបញ្ជាក់ច្រើនទេ ដឹងត្រឹមថាស្រួលវ៉ៃ។ ជាចុងក្រោយ សូដា សូសែង ក៏បាននិយាយអរគុណយ៉ាងខ្លាំងផងដែរដែលស្ថានីយទូរទស្សន៍ ទទក សង្វៀន TVK Fighter ដែលបានផ្ដល់ឱកាសឲ្យគេបានចូលវ៉ៃនៅសង្វៀនមួយនេះ៕