- 2021-12-03 07:09:37
- ប្រដាល់
សហព័ន្ធប្រដាល់សកល៖ អាណត្តិថ្មីទី៧គ្រោងជួលគ្រូអន្តរជាតិកម្រិតខ្ពស់បំផុតមកបង្ហាត់
- 2021-12-03 07:09:37
- ចំនួនមតិ 0 | ចំនួនចែករំលែក 0
សហព័ន្ធប្រដាល់សកល៖ អាណត្តិថ្មីទី៧គ្រោងជួលគ្រូអន្តរជាតិកម្រិតខ្ពស់បំផុតមកបង្ហាត់
ចន្លោះមិនឃើញ
សហព័ន្ធប្រដាល់សកលបានបញ្ចប់អាណត្តិចាស់ទី៦ ព្រឹកមិញនេះនិងបានលើកគោលដៅសំខាន់សម្រាប់អាណត្តិថ្មីនេះគឺគ្រោងជួលគ្រូអន្តរជាតិកម្រិតខ្ពស់បំផុតដើម្បីយកមកពង្រឹងសមត្ថភាពកីឡាករ កីឡាការិនីដើម្បីឆ្ពោះទៅរកមេដាយនៅស៊ីហ្គេម វៀតណាម និងកម្ពុជា។
លោក ប៊ុយ សុភ័ណ្ឌ អគ្គលេខាធិការសហព័ន្ធបានឲ្យដឹងថា សម្រាប់ទិសដៅសំខាន់ៗក្នុងអាណត្តិថ្មីទី៧ ឆ្នាំ២០២១-២០២៥ នេះរួមមាន អភិវឌ្ឍន៍កីឡាប្រដាល់សកលឲ្យក្លាយជាប្រភេទកីឡាមានសក្ដានុពល និងប្រជាប្រិយនៅកម្ពុជា។ បង្កើតព្រឹត្តិការណ៍ប្រកួតនានាឲ្យច្រើននៅក្នុងស្រុក និងបញ្ជូនកីឡាករទៅចូលរួមប្រកួតនៅក្រៅប្រទេសជាដើម។
បន្ថែមពីនេះទៀតនោះអគ្គលេខាធិការខាងលើ កំពុងស្នើសុំទៅគណៈកម្មការជាតិរៀបចំកីឡាអាស៊ីអាគ្នេយ៍លើកទី៣២ (CAMSOC) ក្នុងការជួលយកគ្រូកម្រិតខ្ពស់បំផុត ផ្កាយ៣ ក្នុងប្រដាល់សកលអន្តរជាតិមកបង្ហាត់ដល់ក្រុមជម្រើសជាតិដើម្បីឲ្យឈានសម្រេចផែនការរកមេដាយប្រាក់នៅវៀតណាម និងស៊ីហ្គេម ២០២៣ មេដាយមាសនៅកម្ពុជា។
រំលឹកដែរថា សហព័ន្ធប្រដាល់សកលព្រឹកមិញនេះធ្វើមហាសន្និបាតបញ្ចប់អាណត្តិទី៦ និងបន្តអាណត្តិទី៧ (២០២១-២០២៥) នៅ NOCC។ ប្រធានសហព័ន្ធនៅតែលោក ឆឹង យ៉ៅយ៉េន អគ្គលេខាធិការលោក ប៊ុយ សុភ័ណ្ឌ អគ្គហេរញ្ញិក សំ ពិសិដ្ឋ ៕
