- 2021-12-02 02:33:33
- ប្រដាល់
សហព័ន្ធប្រដាល់សកល ទទួលបានជោគជ័យយ៉ាងត្រចះត្រចង់លើកម្មវិធីប្រកួតប្រចាំសប្ដាហ៍
- 2021-12-02 02:33:33
- ចំនួនមតិ 0 | ចំនួនចែករំលែក 0
សហព័ន្ធប្រដាល់សកល ទទួលបានជោគជ័យយ៉ាងត្រចះត្រចង់លើកម្មវិធីប្រកួតប្រចាំសប្ដាហ៍
ចន្លោះមិនឃើញ
អគ្គលេខាធិការសហព័ន្ធប្រដាល់សកល ថាការរៀបចំការប្រកួតប្រចាំសប្ដាហ៍ និងការដណ្ដើមប្រាក់លាននេះគឺទទួលបានជោគជ័យយ៉ាងត្រចះត្រចង់ដូចជាមានមហាជនចាប់អារម្មណ៍ច្រើន កីឡាករមានបទពិសោធបន្ថែមត្រៀមចូលរួមព្រឹត្តិការណ៍នានា។
លោក ប៊ុយ សុភ័ណ្ឌ បានឲ្យដឹងថា បើនិយាយពីសារប្រយោជន៍ និងភាពជោគជ័យវិញចំពោះការរៀបចំការប្រកួតនេះគឺទទួលបានច្រើន ឬអាចថាជោគជ័យខ្លាំងតែម្ដង។ ការជោគជ័យនោះទី១ ពីមួយសប្ដាហ៍ទៅមួយសប្ដាហ៍មានការទស្សនាកើនឡើងរហូត។ ទី២ កីឡាករម្នាក់ៗបានប្រកួតមានបទពិសោធ បច្ចេកទេសថ្មីៗច្រើនដែលនេះជាការល្អក្នុងការត្រៀមប្រកួតព្រឹត្តិការណ៍ធំៗនៅពេលខាងមុខដូចជាជើងឯកថ្នាក់ជាតិជាដើម។
អគ្គលេខាធិការប្រដាល់សកលរូបនេះបន្ថែមទៀតថា តាមរយៈការប្រកួតដែលរៀបចំនេះគឺធ្វើឲ្យមានការចាប់អារម្មណ៍ច្រើនពីសំណាក់ស្ថានីយទូរទស្សន៍ដែលចង់ដាក់ការប្រកួតខ្លះៗហើយនៅសង្វៀនរបស់ពួកគេ។
រំលឹកដែរថា សហព័ន្ធប្រដាល់សកលគឺបានបញ្ចប់ការប្រកួតប្រចាំសប្ដាហ៍របស់ខ្លួននេះហើយ។ ការបញ្ចប់នេះគឺរួមទាំងការប្រកួតដណ្ដើមប្រាក់លានផងដែរកាលពីយប់ថ្ងៃទី២៨ ខែវិច្ឆិកា ឆ្នាំ២០២១ កន្លងទៅនេះ។ ចំពោះការបន្តរៀបចំការប្រកួតប្រចាំសប្ដាហ៍បែបនេះទៀត ឬយ៉ាងណានោះសហព័ន្ធមិនទាន់បានបញ្ជាក់នៅឡើយទេ៕
