- 2021-10-26 02:39:22
- ប្រដាល់
ស្អែកដល់ពេលដោះស្រាយបញ្ជីចាស់ ឡៅ ចិត្រា ឬ ផល សោភ័ណ្ឌ ជាអ្នកឈ្នះ
- 2021-10-26 02:39:22
- ចំនួនមតិ 0 | ចំនួនចែករំលែក 0
ស្អែកដល់ពេលដោះស្រាយបញ្ជីចាស់ ឡៅ ចិត្រា ឬ ផល សោភ័ណ្ឌ ជាអ្នកឈ្នះ
ចន្លោះមិនឃើញ
ស្អែកនេះគឺដល់ថ្ងៃដែលត្រូវសងសឹកគ្នាហើយរវាង ឡៅ ចិត្រា និងកីឡាករជើងចាស់ ផល សោភ័ណ្ឌ ក្នុងកម្មវិធីគុនខ្មែរអលស្តារវគ្គ២ ខណៈការប៉ះគ្នាលើកទី១ មានបែក មានអត់ខ្សែក្រវាត់ជាដើម។
អំឡុងឆ្នាំ២០១៨ ដែលជាវគ្គផ្ដាច់ព្រ័ត្ររវាង ចិត្រា និង ផល សោភ័ណ្ឌ គឺកក្រើកតែម្ដងពោលគ្មានឡើយការយោគយល់ គ្មានឡើយការលាក់អាវុធនោះ។ នៅពេលនោះផងដែរខ្សែក្រវាត់បានលើ សោភ័ណ្ឌ ប៉ុន្តែមានស្នាមបែកថ្ពាល់ខាងខាងឆ្វេងក៏មិនតិចថ្នេរដែរ។
មុនឈានដល់ការប្រកួតស្អែកនេះ សោភ័ណ្ឌ លើកឡើងថា ការប្រកួតរបស់ខ្លួនច្បាស់ជាកក្រើក និងអស់ៗពីសមត្ថភាព មួយវិញទៀតជាការរុំអំបោះឆៅជាលើកទី១ នៅកម្ពុជាផង។ ចំពោះសមត្ថភាពវិញគឺ ចិត្រា ល្អមួយឈុតឆ្វេង។ ចំណែក ចិត្រា វិញលើកដែរថា ខ្លួនមិនជាបារម្ភអ្វីច្រើននោះទេ ពោលប្រឹងហ្វឹកហាត់ឲ្យពេញ។ រឿងដែល ផល សោភ័ណ្ឌ ល្អដៃនោះខ្លួនក៏មិនឈរឲ្យវ៉ៃដែរ។
រំលឹកដែរថា ឡៅ ចិត្រា ធ្លាប់ចាញ់ពិន្ទុ ផល សោភ័ណ្ឌ ១ដងនៅអំឡុងឆ្នាំ២០១៨ វគ្គផ្ដាច់ព្រ័ត្រខ្សែក្រវាត់ខារ៉ាបាវ។ ចំពោះជំនួបសងសឹករវាងអ្នកទាំងពីរនេះនឹងធ្វើឡើងនៅថ្ងៃស្អែកទី២៧ ខែតុលា ឆ្នាំ២០២១ លើសង្វៀន ទទក និងហ្វេសបុក Sorn Elite Kun khmer all star វេលាម៉ោង ៧.៣០នាទីយប់៕
