- 2021-10-20 08:00:41
- ប្រដាល់
ស៊ន អេលីត៖ ស្រឡាញ់គុនខ្មែរអលស្តារ សុខចិត្តជម្នះការមិនពេញចិត្តរបស់គ្រួសារ
- 2021-10-20 08:00:41
- ចំនួនមតិ 0 | ចំនួនចែករំលែក 0
ស៊ន អេលីត៖ ស្រឡាញ់គុនខ្មែរអលស្តារ សុខចិត្តជម្នះការមិនពេញចិត្តរបស់គ្រួសារ
ចន្លោះមិនឃើញ
លោក ស៊ន អេលីត ថាគុនខ្មែរអលស្តារ វគ្គ១ ដែលលោកបង្កើតពីមុននេះ គឺភរិយាមិនសូវពេញចិត្តទេព្រោះដោយសារយកថវិកាក្រុមគ្រួសារច្រើន ប៉ុន្តែក្រោយមានអ្នកគាំទ្រច្រើនទាំងក្នុង និងក្រៅប្រទេសឥលូវធម្មតាថែមជួយវិញផង។
លោក ស៊ន អេលីត បានឲ្យដឹងថា ការបង្កើតកម្មវិធី គុនខ្មែរអលស្តារ វគ្គ១នេះគឺជាលក្ខណៈផ្សងព្រេងដោយប្រើថវិកាផ្ទាល់ទាំងស្រុង ប៉ុន្តែពេលចាប់ផ្ដើមក៏ទាក់ទងបានអ្នកឧបត្ថម្ភហែល ៥០០០ដុល្លារ និងត្រូវចំណាយបង្គ្របបន្ថែម ៣០០០។ ការយកលុយផ្ទាល់ទៅចំណាយនេះហើយធ្វើឲ្យក្រុមគ្រួសារមិនសូវពេញចិត្ត។
គ្រូប្រដាល់រូបនេះបន្ថែមថា ឥលូវធម្មតាវិញហើយ មានតែជួយកិច្ចការគុនខ្មែរអលស្តារវគ្គ២ ទៅវិញទេ ដោយារមើលឃើញមានអ្នកគាំទ្រច្រើន មានអ្នកពេញចិត្តសរសើរកម្មវិធី។ បើនិយាយពីការគាំទ្រវិញ លោកពិតជាសប្បាយចិត្តខ្លាំង ព្រោះបន្ទាប់ពីបង្កើតកម្មវិធីនេះហើយមានអ្នកគាំទ្រគុនខ្មែរបានទាក់ទង និងលើកឡើងពីការពេញចិត្ត សរសើរថាល្អ លើកទឹកចិត្តឲ្យខំប្រឹង។ អ្នកគាំទ្រមានទាំងនោះមានទាំងក្នុងស្រុក ក្រៅស្រុក ដូចជា ថៃ បារាំង អាមេរិកជាដើម។
រំលឹកដែរថា លោក ស៊ន អេលីត ជាអ្នកបង្កើតកម្មវិធីគុនខ្មែរអលស្តារ វគ្គ១។ នៅថ្ងៃទី២៧ ខែតុលា ឆ្នាំ២០២១ នេះលោក និងក្រុមការងារនឹងធ្វើកម្មវិធីគុនខ្មែរអលស្តារវគ្គ២បន្តទៀត៕