- 2021-10-19 07:29:38
- ប្រដាល់
ធ្ងន់ណាស់! ៣ឆ្នាំមុន Superbon ធ្លាប់សន្លប់ធំផ្កាប់មុខនៅទឹកមួយដោយសារ Marat
- 2021-10-19 07:29:38
- ចំនួនមតិ 0 | ចំនួនចែករំលែក 0
ធ្ងន់ណាស់! ៣ឆ្នាំមុន Superbon ធ្លាប់សន្លប់ធំផ្កាប់មុខនៅទឹកមួយដោយសារ Marat
ចន្លោះមិនឃើញ
កីឡាករប្រដាល់ថៃ Superbon បានផ្ដល់មេរៀនឲ្យជើងខ្លាំង Giorgio Petrosyan សន្លប់ធំក្នុងការប្រកួតដណ្ដើមខ្សែក្រវាត់ ONE Kickboxing ប្រភេទម្ងន់ Featherweight កាលពីចុងសប្ដាហ៍កន្លងទៅ។
Superbon ដែលជាកូនសិស្សម្នាក់របស់ Buakaw បានចំណាពេលត្រឹមតែ២ទឹកប៉ុណ្ណោះដើម្បីផ្ដួល Petrosyan តាមរយៈទាត់ចូលថ្គាម។ ជ័យជម្នះបានធ្វើឲ្យ Superbon គ្រងខ្សែក្រវាត់ប្រភេទទម្ងន់ Featherweight ដែលនៅទំនេរ ខណៈ Petrosyan ត្រូវបានរាយការណ៍ថាបាក់ថ្គាម២កន្លែង។
តែបើរំឭកទៅអតីតកាលបន្តិច Superbon ក៏ធ្លាប់សន្លប់ធំបែបនេះម្ដងដែរកាលពីឆ្នាំ២០១៨ ក្រោមថ្វីដៃរបស់កីឡាករ Marat Grigorian។ កាលនោះអ្នកទាំងពីរប្រកួតគ្នាក្នុងកម្មវិធី Kunlun Fight 69 រៀបចំក្នុងប្រទេសចិន។ Marat សញ្ជាតិអាមេនីប្រើពេលតែ២៩វិនាទីក្នុងទឹកមួយប៉ុណ្ណោះក្នុងការផ្ដួល Superbon តាមរយៈក្បាច់ម៉ាត់ធ្ងន់ៗធ្វើឲ្យសន្លប់ផ្កាប់មុខ។
Marat បច្ចុប្បន្នជាកីឡាករស្ថិតក្នុងកុងត្រារបស់ ONE Championship និងជាបេក្ខភាពម្នាក់កំពុងប្រកួតក្នុងកម្មវិធី Kickboxing Featherweight Grand Prix។ ការប្រកួតក្នុងជុំទីមួយគេបានយកឈ្នះកីឡាករ Andy Souwer ហើយប្រសិនបើឈ្នះក្នុងកម្មវិធីខាងលើ គេនឹងមានឱកាសទៅដណ្ដើមខ្សែក្រវាត់ជាមួយ Superbon៕
