- 2021-09-15 08:39:15
- ប្រដាល់
ស្ថាបនិក Kun Khmer All Star ឧបត្ថម្ភអាកុលសម្ភារមួយចំនួនដល់វិទ្យាល័យឫស្សីកែវ
- 2021-09-15 08:39:15
- ចំនួនមតិ 0 | ចំនួនចែករំលែក 0
ស្ថាបនិក Kun Khmer All Star ឧបត្ថម្ភអាកុលសម្ភារមួយចំនួនដល់វិទ្យាល័យឫស្សីកែវ
ចន្លោះមិនឃើញ
លោក ស៊ន អេលីត ស្ថាបនិកកម្មវិធីប្រដាល់ Kun Khmer All Star និងជាគ្រូបង្វឹកក្លឹបនាយដ្ឋានអង្គរក្ស បានឧបត្ថម្ភអាកុល ម៉ាស់ និងសម្ភារមួយចំនួនទៀតដល់វិទ្យាល័យឫស្សីកែវ ព្រឹកមិញនេះ។
លោក ស៊ន អេលីត បានឲ្យដឹងថា ព្រឹកមិញនេះក្រុមការងារ Kun Khmer All Star បាននាំអំណោយមួយចំនួនដែលជាទឹកចិត្តជួយដល់វិទ្យាល័យឫស្សីកែវ ដើម្បីយកប្រើប្រាស់ក្នុងការបើកសាលាជាថ្មីនេះ។ សម្ភារទាំងនោះរួមមាន អាកុល ១៥កាន ម៉ាស់ ១០០ប្រអប់ ដបអាកុល ៥០០ដប និងម៉ាស៊ីនវាស់កម្ដៅ ចំនួន២ សរុបថវិកាអស់ជាង ៨០០ដុល្លារ។
គ្រូប្រដាល់រូបនេះបន្ថែមទៀតថា នេះជាទឹកចិត្តបន្តិចបន្តួច ការចែករំលែកក្នុងគ្រាលំបាកដូចគ្នាដើម្បីសម្រួលការប្រើប្រាស់ផ្សេងៗក្នុងការរួមចំណែកទប់ស្កាត់ការរីករាលដាលជំងឺកូវីដ ១៩។ មួយវិញទៀតក៏ជាការតបស្នងទៅសាលាវិញដែរ ព្រោះទីនោះជាកន្លែងដែលបានផ្ដល់ចំណេះដឹងដល់លោក និងប្អូនស្រីផងដែរ។
រំលឹកដែរថា លោក ស៊ន អេលីត ជាគ្រូប្រដាល់ នៃក្លឹបប្រដាល់នាយកដ្ឋានអង្គរក្ស។ លោកជាស្ថាបនិកបង្កើតកម្មវិធីប្រដាល់ Kun Khmer All Star ផងដែរ។ សរុបថវិកាចំណាយលើសម្ភារឧបត្ថម្ភនេះអស់ ៨១០ដុល្លារ៕