- 2021-09-15 06:44:56
- ប្រដាល់
ហេតុផលនេះហើយ ខេស៊ី បាណេត ចំណាយលុយរាប់ម៉ឺនដុល្លារជួយប្រដាល់សកល
- 2021-09-15 06:44:56
- ចំនួនមតិ 0 | ចំនួនចែករំលែក 0
ហេតុផលនេះហើយ ខេស៊ី បាណេត ចំណាយលុយរាប់ម៉ឺនដុល្លារជួយប្រដាល់សកល
ចន្លោះមិនឃើញ
ហេតុផលដែលលោក ខេស៊ី បាណេត ចំណាយជិត ២ម៉ឺនដុល្លារ ជួយដល់ការបង្កើតកម្មវិធីប្រកួតរបស់ប្រដាល់សកលថ្ងៃអាទិត្យនេះគឺដោយសារចិត្តស្រឡាញ់ និងចង់ជំរុញសមត្ថភាពកីឡាករ។
លោក ខេស៊ី បាណេត បានឲ្យដឹងថា លោកពិតជាមានចិត្តស្រឡាញ់ខ្លាំងលើកីឡាប្រដាល់សកល ហេតុនេះហើយទើបចូលរួមជួយជាបន្តបន្ទាប់កន្លងមក។ ជាក់ស្ដែងដូចជាការជួយឧបត្ថម្ភធំដល់កម្មវិធីប្រកួតរៀងរាល់ ២សប្ដាហ៍ម្ដងរបស់សហព័ន្ធប្រដាល់សកលនេះតែម្ដង។
បុរសដែលមានមុខរហូតក្នុងវិស័យកីឡានៅកម្ពុជាខាងលើនេះបន្ថែមទៀតថា លោកជឿជាក់លើសមត្ថភាពកីឡាករ កីឡាការិនីកម្ពុជា ដូច្នេះបើមានការប្រកួតជាបន្តបន្ទាប់បែបនេះនឹងធ្វើឲ្យពួកគេមានការកើនឡើងសមត្ថភាព បច្ចេកទេសល្អ។ ការប្រកួតដែលនឹងរៀបចំនេះ និងជំរុញសមត្ថភាពក៏ដូចជាការត្រៀមខ្លួនបានល្អនៅស៊ីហ្គេម នាពេលខាងមុខ។
រំលឹកដែរថា សហព័ន្ធប្រដាល់សកលកម្ពុជា នឹងរៀបចំការប្រកួតរបស់ខ្លួននៅរៀងរាល់២សប្ដាហ៍ម្ដងនៅឯក្លឹបប្រដាល់នាយដ្ឋានអង្គរក្ស។ ការប្រកួតនេះនឹងចាប់ផ្ដើមពីថ្ងៃអាទិត្យ ទី១៩ ខែកញ្ញា ឆ្នាំ២០២១ នេះទៅហើយ។ ក្នុងនោះគឺបានការជួយឧបត្ថម្ភធំពីលោក ខេស៊ី បាណេត ខាងសាលា CamEd Business School ដែលតាមការចំណាយ៦ប្រកួតនេះខ្ទង់ជិត ម៉ឺនដុល្លារ៕