- 2021-08-12 02:43:01
- ប្រដាល់
ស្ងាត់ៗសហព័ន្ធប្រដាល់សកលនឹងបញ្ជូនកីឡាករ៣រូបទៅហាត់នៅបារាំង
- 2021-08-12 02:43:01
- ចំនួនមតិ 0 | ចំនួនចែករំលែក 0
ស្ងាត់ៗសហព័ន្ធប្រដាល់សកលនឹងបញ្ជូនកីឡាករ៣រូបទៅហាត់នៅបារាំង
ចន្លោះមិនឃើញ
អំឡុងខែសីហា ឆ្នាំ២០២១ នេះសហព័ន្ធប្រដាល់សកលនឹងបញ្ជូនកីឡាកររបស់ខ្លួន៣រូបទៅហ្វឹកហាត់នៅឯប្រទេសបារាំងដើម្បីពង្រឹងសមត្ថភាពត្រៀមកីឡាស៊ីហ្គេម លើកទី៣១។
នេះបើតាមលោក ប៊ុយ សុភ័ណ្ឌ អគ្គលេខាធិការសហព័ន្ធខាងលើនេះបានបញ្ជាក់ថា តាមគម្រោងនោះគឺកីឡាករទាំង៣រូបត្រូវចេញទៅបារាំងថ្ងៃទី១៣ ខែសីហា ប៉ុន្តែដោយសារសុំទិដ្ឋាការពីស្ថានទូតមិនទាន់បានទើបពន្យារទៅចុងខែនេះ ឬដើមខែក្រោយវិញ។
ក្រៅតែពីការហ្វឹកហាត់នៅទីនោះកីឡាករកម្ពុជាក៏មានឱកាសបានប្រកួតលក្ខណៈអាជីពក្នុងកម្មវិធីផ្សេងៗដើម្បីពង្រឹងសមត្ថភាពបន្ថែមទៀតដែរ ដើម្បីជាទុនត្រៀមប្រជែងយកមេដាយនៅស៊ីហ្គេម។
បញ្ជាក់ដែរថា កីឡាករ៣រូបដែលសហព័ន្ធប្រដាល់សកលគ្រោងបញ្ជូនទៅហ្វឹកហាត់នៅបារាំងនោះរួមមាន ទី១ សៅ រង្សី អាយុ ២១ ទម្ងន់៥២ ទី២ កីឡាករ សែត សារឹទ្ធ អាយុ ២៣ ទម្ងន់៦៤ និងទី៣ កីឡាករ វី សម្ភស្ស អាយុ ២១ ទម្ងន់ ៦៩។ ការហ្វឹកហាត់នេះមានរយៈពេល៣ខែ៕ អត្ថបទកែសម្រួលពី Cambodia SEA GAMES 2023៕
