- 2021-07-06 06:52:39
- បាល់ទាត់
បើមែនពិតជាល្អមើល! Neymar ថា ចង់ជួបក្រុមរបស់ Messi នៅ Final ពាន Copa America
- 2021-07-06 06:52:39
- ចំនួនមតិ 0 | ចំនួនចែករំលែក 0
បើមែនពិតជាល្អមើល! Neymar ថា ចង់ជួបក្រុមរបស់ Messi នៅ Final ពាន Copa America
ចន្លោះមិនឃើញ
ខ្សែបម្រើប្រយុទ្ធ Neymar បាននិយាយថា គេសង្ឃឹមនឹងជួបអាហ្សង់ទីននៅវគ្គផ្ដាច់ព្រ័ត្រពាន Copa America ហើយពេលនោះប្រេស៊ីលនឹងលើកពាន។
ប្រេស៊ីលបានយកឈ្នះប៉េរូកាលពីព្រឹកមិញ ១-០ ក្នុងវគ្គពាក់កណ្ដាលផ្ដាច់ព្រ័ត្រក្នុងទីក្រុង Rio de Janerir។ អរគុណដល់គ្រាប់បាល់របស់ Lucas Paqueta នៅនាទី៣៥ ក្រោយមានការបញ្ជូនពីមិត្តរូមក្រុម Neymar។
ជំនួបរវាងកូឡំប៊ីនិងអាហ្សង់ទីនត្រូវលេងនៅព្រឹកស្អែក ដើម្បីរកមួយក្រុមទៅប៉ះប្រេស៊ីលក្នុងវគ្គផ្ដាច់ព្រ័ត្រ។ ក្រោយបញ្ចប់ការប្រកួតកាលពីព្រឹកមិញ Neymar បាននិយាយថា៖ “ខ្ញុំចង់ជួបអាហ្សង់ទីន។ ខ្ញុំគាំទ្រពួកគេ។ ខ្ញុំមានមិត្តច្រើននៅទីនោះ ហើយនៅផ្ដាច់ព្រ័ត្រប្រេស៊ីលនឹងឈ្នះ”។
ពេលវេលាចុងក្រោយដែលប្រទេសធំទាំងពីរជួបគ្នានៅពាន Copa America វគ្គផ្ដាច់ព្រ័ត្រគឺនៅឆ្នាំ២០០៧។ ពេលនោះប្រេស៊ីលឈ្នះ ៣-០។ អាហ្សទីនឈរលេខ២ ខណៈប្រេស៊ីលឈរលេខ៣ ជាប្រទេសជោគជ័យបំផុតក្នុងពានប្រចាំនៅទ្វីបអាមេរិកខាងត្បូងមួយនេះ៕
