- 2021-06-10 07:41:21
- ប្រដាល់
អ្នកលេងកណ្ដាប់ដៃ ថៃ រិទ្ធី វិលចូលសង្វៀនវិញហើយក្រោយសម្រាក ៣-៤ខែ
- 2021-06-10 07:41:21
- ចំនួនមតិ 0 | ចំនួនចែករំលែក 0
អ្នកលេងកណ្ដាប់ដៃ ថៃ រិទ្ធី វិលចូលសង្វៀនវិញហើយក្រោយសម្រាក ៣-៤ខែ
ចន្លោះមិនឃើញ
អ្នកប្រដាល់ល្អកណ្ដាប់ដៃ ថៃ រិទ្ធី នឹងវិលចូលសង្វៀនគុនខ្មែរវិញហើយសប្ដាហ៍នេះជាមួយដៃគូចាស់ យ៉ាម ខេមរា បន្ទាប់ពីសម្រាកអស់រយៈពេល ៣-៤ខែកន្លងទៅ។
ថៃ រិទ្ធី បានឲ្យដឹងថា បើគិតពីការខកខានឡើងសង្វៀននេះយូរដែរហើយខ្ទង់ ប៉ុន្តែការហ្វឹកហាត់ក៏បានធ្វើឡើងជាបន្តបន្ទាប់មកដែរក្នុងនោះថែមទាំងការហាត់សកលផង។
ងាកទៅនិយាយពីការត្រៀមខ្លួនសម្រាប់សប្ដាហ៍នេះ កូនសិស្សលោក ធន់ សុភា ខាងលើនេះបញ្ជាក់ថា បានហាត់ជាប់លាប់ប្រហែល២សប្ដាហ៍ហើយ យ៉ាងណាការខានយូរនេះអាចនឹងគាំងខ្លះៗ។ រិទ្ធី សុំកម្លាំងចិត្ត និងការគាំទ្រពីអ្នកនិយមទស្សនាគុនខ្មែរផងដែរសម្រាប់ការប្រកួតមួយនេះ។ និយាយពីការជួបគ្នាកន្លងទៅ រិទ្ធី ថាធ្លាប់ចាញ់ យ៉ាម ខេមរា តែ១ដងទេ ក្រៅពីនោះឈ្នះសន្លប់រហូត។
រំលឹកដែរថា ថៃ រិទ្ធី បានខកខានឡើងសង្វៀនមួយរយៈពេល ៣-៤ខែមកហើយដោយសារសុខភាពមិនអំណោយផល ខណៈប្រទេសក៏ផ្ទុះជំងឺកូវីដ ១៩ ជាបន្តបន្ទាប់ថែមទៀត។ រិទ្ធី នឹងប៉ះ យ៉ាម ខេមរា ថ្ងៃទី១៣ ខែមិថុនា ២០២១ នៅសង្វៀនបាយ័ន ចាប់ពីម៉ោង៦ល្ងាចតទៅ៕
