- 2021-03-09 02:20:45
- ប្រដាល់
នោះ! មាស ម៉ើ ចង់ប៉ះ ចាន់ រតនា ដោយដាក់ដើមផាន់ ៥ ម៉ឺនដុល្លារ
- 2021-03-09 02:20:45
- ចំនួនមតិ 0 | ចំនួនចែករំលែក 0
នោះ! មាស ម៉ើ ចង់ប៉ះ ចាន់ រតនា ដោយដាក់ដើមផាន់ ៥ ម៉ឺនដុល្លារ
ចន្លោះមិនឃើញ
កាលពីពេលថ្មីៗនេះ មាស ម៉ើ បានសរសេរបង្ហោះលើគណនីរបស់ខ្លួនថា គេចង់បះអ្នកប្រដាល់ MMA កម្រិតលេខ១បច្ចុប្បន្នរបស់កម្ពុជា ចាន់ រតនា ដោយដាក់ដើមផាន់ ៥ ម៉ឺនដុល្លារក្នុងប្រភេទទម្ងន់ណាក៏បាន។
ទាក់ទងចំណុចនេះ មាស ម៉ើ បានឲ្យដឹងថា ពិតជាចង់ប៉ះ ចាន់ រតនា ពិតប្រាកដមែន ដោយសារលោកចង់ដឹងកម្រិតសមត្ថភាពរបស់ ចាន់ រតនា ផង និងចង់ប្រកួតចុងក្រោយក្នុងអាជីពជាអ្នកប្រដាល់ MMA ។ អ្នកប្រដាល់មានដើមកំណើតមកពីខេត្តកំពង់ធំរូបនេះធ្លាប់មានបទពិសោធប្រកួតកម្រិត A ក្នុងកម្មវិធីរបស់ ONE រួចហើយ។
បើសិនមានកម្មវិធីណាអាចរៀបចំបាន គេនឹងទទួលយកការប្រកួតមួយនេះ ។ មាស ម៉ើ ជាអ្នកលេងក្នុងទ្រុងកម្រិតលេខ១របស់កម្ពុជាកាលពីពេលកន្លងទៅ ហើយបច្ចុប្បន្នគេកំពុងស្នាក់នៅស្រុកកំណើតខេត្តកំពង់ធំ ៕