/Football-17/5fe01ec8ec901_1608523440_medium.jpg)
- 2020-12-21 03:40:00
- ប្រដាល់
មាស ម៉ើ ប្រាប់ហេតុផល ចាន់ រតនា ចាញ់ និងថាកីឡាករចិន គ្មានអីខ្លាំងផង
- 2020-12-21 03:40:00
- ចំនួនមតិ 0 | ចំនួនចែករំលែក 0
មាស ម៉ើ ប្រាប់ហេតុផល ចាន់ រតនា ចាញ់ និងថាកីឡាករចិន គ្មានអីខ្លាំងផង
ចន្លោះមិនឃើញ
អតីតអ្នកលេងគុនចម្រុះក្នុងទ្រុង មាស ម៉ើ បានសរសេរបង្ហោះលើទំព័រហ្វេសប៊ុករបស់ខ្លួនថា « ដៃគូ ចាន់ រតនា មិនខ្លាំងទេ ប៉ុន្តែឃើញខ្មែរចាញ់ខ្ញុំស្រក់ទឹកភ្នែក » ក្រោយពេលកីឡាករកម្ពុជាខាងលើសន្លប់ក្នុងទឹកទី ៣ ក្រោមថ្វីដៃរបស់អ្នកលេងសៅលីញ Xie Wei ក្នុងព្រឹត្តិការណ៍ One Championship កាលពីថ្ងៃទី១៨ ខែធ្នូ ឆ្នាំ២០២០ នៅប្រទេសសិង្ហបុរី ។
សម្ដីទាំងស្រុងរបស់ មាស ម៉ើ បាននិយាយថា « ខ្ញុំធ្លាប់និយាយហើយ ថាមិនមែនកីឡាករ ចិន ហ្នឹងខ្លាំងទេ តែមកពីបង ចាន់ រតនា គាត់ខ្សោយ កីឡាករគ្មានបច្ចេកទេសវៃក្នុងទ្រុង តែបែរជាឈ្នះរហូត សូមនិយាយត្រង់បន្តិចហើយបងប្អូន ជនពិការជើងដូចខ្ញុំ គ្មានលទ្ធភាពទៅចូលរួមប្រកួតវិញទេ តែឃើញកីឡាករខ្មែរប្រកួតចាញ់បរទេសខ្ញុំស្រក់ទឹកភ្នែកម្ដងៗ តែពេលខ្លះខ្ញុំនិយាយការពិតបែរជាបងប្អូនគាត់ជេរខ្ញុំវិញ ដោយសារគាត់មិនដឹងពី កម្មវិធី One champion ឡើយ រឿងខ្លះខ្ញុំដឹងច្រើនតែខ្ញុំធ្វើមិនដឹងទៅប្រសើរជាង ។........ចប់សេចក្ដីខ្ជិលនិយាយច្រើនខ្លាចមានបញ្ហា »។
រំលឹកថា មាស ម៉ើ ជាអតីតអ្នកលេងក្នុងទ្រុងរបស់កម្ពុជាល្អ មួយរូបដែលមានបទពិសោធជោគជាំ ប៉ុន្តែដោយសារបញ្ហារបួសជើងបានធ្វើឲ្យគេបង្ខំចិត្តបោះបង់អាជីពវាយក្នុងទ្រុង៕
