- 2020-10-13 03:33:34
- ប្រដាល់
ខេង សុងហួ៖ ឥលូវលក់ទូរស័ព្ទមិនសូវដាច់ដែរ ជួយប្រដាល់បានតិចៗនោះទេ
- 2020-10-13 03:33:34
- ចំនួនមតិ 0 | ចំនួនចែករំលែក 0
ខេង សុងហួ៖ ឥលូវលក់ទូរស័ព្ទមិនសូវដាច់ដែរ ជួយប្រដាល់បានតិចៗនោះទេ
ចន្លោះមិនឃើញ
អ្នកគាំទ្រស្ម័គ្រស្មោះ ខេង សុងហួ ថាឥលូវនេះជួយខាងប្រដាល់បានតិចតួចទេ ព្រោះរបររកស៊ីលក់ទូរស័ព្ទមិនសូវកាក់កបឡើយ ប៉ុន្តែនៅតែបានជួយខ្លះៗផងដែរពេលឃើញមានអ្នករបួស ឬឈ្នះខ្សែក្រវាត់ជាដើម។
លោក ខេង សុងហួ បានឲ្យដឹងថា ឥលូវនេះរបរលក់ទូរស័ព្ទរបស់លោកហាក់ស្ងប់ស្ងាត់ អាចថាមនុស្សម្នាមិនសូវចាយលុយច្រើន និងមានការរឹតត្បិតផងដែរ ឬក៏ដោយសារតែជំងឺ COVID។
អ្នកគាំទ្រប្រដាល់គុនខ្មែរស្មោះស្ម័គ្រខាងលើនេះបន្តលើកឡើងថា ការជួយឧបត្ថម្ភប្រដាល់ ការជូនវត្ថុប្រើប្រាស់ជាការលើកទឹកចិត្តដល់កីឡាករក៏នៅតែមានដដែល ដោយគ្រាន់តែមិនសូវញឹកញាប់ ឬច្រើនដូចមុនព្រោះតែលក់មិនសូវដាច់។
រំលឹកដែរថា លោក ខេង សុងហួ ជាម្ចាស់ហាងគុនខ្មែរលក់ទូរស័ព្ទទំនើប ដែលតែងតែជួយឧបត្ថម្ភថវិកាកីឡាករពេលមានរបួស និងសម្ភារអេឡិចត្រូនិកផ្សេង។ ថ្មីៗនេះលោកបានជួយ ឈឿន ឆៃដែន ព្យាបាលជើង ជួយថវិកាកម្មវិធីប្រដាល់ថ្នាលរបស់លោក មាស សុខគ្រី និងជូនកាដូកីឡាករពេលឈ្នះជាដើម ។ ប្រសិនបើបងប្អូនចង់ចូលរួមលើកស្ទួយ ឬគាំទ្រប្រដាល់តាមរយៈលោក ខេង សុងហួ ម្ចាស់ហាងគុនខ្មែរលក់ទូរស័ព្ទទំនើបនោះដោយគ្រាន់តែជួយជាវសម្ភារដែលលោកអ្នកត្រូវការដូចជួយលើកទឹកចិត្តអ្នកប្រដាល់ផងដែរ៕ ហ្វេសបុកផេក គុនខ្មែរលក់ទូរស័ព្ទដៃទំនើប
