- 2020-08-25 07:42:57
- ប្រដាល់
ភ្លេចៗ! សេន ប៊ុនថេន កែវ រំចង់ រឿង សោភ័ណ្ឌ ចាន់ រតនា ឡើងស័ក្ដិ ៣ ហើយ
- 2020-08-25 07:42:57
- ចំនួនមតិ 0 | ចំនួនចែករំលែក 0
ភ្លេចៗ! សេន ប៊ុនថេន កែវ រំចង់ រឿង សោភ័ណ្ឌ ចាន់ រតនា ឡើងស័ក្ដិ ៣ ហើយ
ចន្លោះមិនឃើញ
ចូលរួមត្រេកអរកីឡាករ ចាន់ រតនា សេន ប៊ុនថេន កែវ រំចង់ ឡុង សុភី រឿង សោភ័ណ្ឌ បានឡើងស័ក្ដិ ៣ និងកីឡាករ រួមទាំងគ្រូបង្វឹកមួយចំនួនទៀតដែលត្រូវបានដំឡើងសួនស័ក្ដិផងដែរនាព្រឹកមិញនេះនៅអង្គភាពកីឡាក្រសួងមហាផ្ទៃ ក្នុងពហុកីឡដ្ឋានជាតិ។
កីឡាករ សេន ប៊ុនថេន បានឲ្យដឹងថា ក្នុងនាមជាអ្នកប្រដាល់ចាស់វស្សាមួយរូបពិតជាមានចិត្តត្រេកអរជាខ្លាំង ដែលបានប្រធានអង្គភាពកីឡាក្រសួងមហាផ្ទៃ ឯកឧត្ដម ជា ប៊ុនហេង បានស្រឡាញ់យកចិត្តទុកដាក់ចំពោះពួកលោកបែបនេះ។
អ្នកលេងជើងរន្ទះខាងលើនេះបន្តប្រាប់ទៀតថា ខ្លួនផ្ទាល់ក៏ដូចជាលោកគ្រូៗ កីឡាករផ្សេងៗទៀតដែរនឹងប្ដេជ្ញាខំប្រឹងប្រែងបណ្ដុះធនធានថ្នាលឲ្យបានច្រើនលើកស្ទួយវិស័យប្រដាល់ នឹងខំរកភាពជោគជ័យជាបន្តបន្ទាប់ជូនអង្គភាព ដើម្បីជាការតបស្នងទៅហ្នឹងការយកចិត្តទុកដាក់អាណិតស្រឡាញ់អ្នកប្រដាល់ដួចជាពួកលោក។
រំលឹកដែរថា ព្រឹកមិញនេះអង្គភាពកីឡាក្រសួងមហាផ្ទៃ ដែលដឹកនាំដោយឯកឧត្ដម ជា ប៊ុនហេង បានធ្វើពិធីដំឡើងឋានន្តរសក្ដិដល់មន្ត្រីនគរបាលដែលជា កីឡាករ កីឡាការិនីមួយចំនួនរបស់អង្គភាពនៅក្នុងពហុកីឡដ្ឋានជាតិ។ ក្នុងនោះក៏មានអ្នកប្រដាល់ រួមនិងគ្រូបង្វឹកចំនួនដូចជា សេន ប៊ុនថេន រឿង សោភ័ណ្ឌ ចាន់ រតនា ឡុង សុភី ម៉ន សាម៉េត ឡុង សំណាង លោក ជួន សំណាង លោក ធី ណារិទ្ធ លោក ឡុង វិបុល និងមួយចំនួនទៀត៕
