- 2020-07-12 10:02:47
- ប្រដាល់
ប្រធានប្រដាល់បាយ័ន៖ កីឡាករត្រូវប្រកួតឲ្យអស់ពីសមត្ថភាពឲ្យសមទៅនិងគេឧបត្ថម្ភ
- 2020-07-12 10:02:47
- ចំនួនមតិ 0 | ចំនួនចែករំលែក 0
ប្រធានប្រដាល់បាយ័ន៖ កីឡាករត្រូវប្រកួតឲ្យអស់ពីសមត្ថភាពឲ្យសមទៅនិងគេឧបត្ថម្ភ
ចន្លោះមិនឃើញ
ប្រធានគ្រប់គ្រងកម្មវិធីប្រដាល់នៅទូរទស្សន៍បាយ័ន សូមឲ្យកីឡាករទាំង៨រូបដែលត្រូវលេងក្នុងកម្មវិធីជើងឯកស្រាបៀកម្ពុជា នារៀងរាល់ព្រឹកថ្ងៃអាទិត្យនេះប្រកួតឲ្យអស់ពីសមត្ថភាព ដើម្បីឲ្យសមទៅនិងការជួយឧបត្ថម្ភរៀបចំកម្មវិធីប្រដាល់នេះឡើយ។
លោក នាង ស៊ីវុត្ថា ប្រធានគ្រប់គ្រងប្រដាល់ស្ថានីយទូរទស្សន៍បាយ័នបានឲ្យដឹងថា ការប្រកួតរដូវការទី២ ជើងឯកស្រាបៀកម្មវិធីចាប់ផ្ដើមពីសប្ដាហ៍នេះទៅហើយ ដោយលេងលើប្រភេទទម្ងន់៦៣,៥គីឡូក្រាម។ ការប្រកួតនេះត្រូវបែងចែកជា២ពូល (A/B) ហើយកីឡាករដែលឈរនៅលេខ ១-២ ក្នុងពូលទាំងនោះត្រូវប្រកួតវគ្គខ្វែងបន្តទៀត។
ប្រធានរៀបចំខាងលើនេះបញ្ជាក់ដែរថា សូមឲ្យគ្រូប្រចាំក្លឹបទាំង៨ ជួយពិនិត្យ និងមើលកីឡាកររបស់ខ្លួនឲ្យរក្សាទម្ងន់ឲ្យបានត្រឹមត្រូវជៀសវាងមានបញ្ហាលើរឿងទម្ងន់នេះ ព្រោះការលេងខ្សែក្រវាត់គឺច្បាប់ក៏ដូចជាបទបញ្ជាតឹងរ៉ឹងណាស់។ មួយវិញទៀតលោកក៏ថ្លែងអំណរគុណដល់ម្ចាស់ឧបត្ថម្ភកម្មវិធីស្រាបៀកម្ពុជា ដែលបានជួយឲ្យមានប្រកួតនេះឡើង ដូច្នេះហើយកីឡាករគឺត្រូវប្រកួតឲ្យអស់ពីសមត្ថភាពនិងសមទៅហ្នឹងតម្លៃនៃការជួយនេះ។ មិនត្រូវប្រកួតដោយមិនអស់ពីសមត្ថភាព ប្រកួតដោយមានការលាក់លៀមមានអ្វីពីក្រោយនាំឲ្យមានបញ្ហាក្នុងការកាត់សេចក្ដី ឬមានការតិះទានពីអ្នកគាំទ្រនោះឡើយ។
បេក្ខភាពទាំង៨រូបលេងក្នុងកម្មវិធីខាងលើនេះរួមមាន (A) សល់ ពិសិដ្ឋ វី សម្ផស្ស សោម ពិសិដ្ឋ ណាំ ម៉ូរ៉ាក់ (B) ស៊ឹម វ៉ាន់ដេត ឡូញ វ៉ាន់ឌី ខាំ សាបាន ព្រឿង សុជាតិ។ បើកឆាកការប្រកួតសន្សំពិន្ទុសប្ដាហ៍ទី១ គឺកីឡាករ វី សម្ផស្ស និង ស៊ឹម វ៉ាន់ដេត ទទួលបាន៣ពិន្ទុរៀងៗខ្លួន៕