- 2020-06-07 09:09:27
- ប្រដាល់
Conor McGregor ប្រកាសចូលនិវត្តន៍ទាំងវ័យក្មេង
- 2020-06-07 09:09:27
- ចំនួនមតិ 0 | ចំនួនចែករំលែក 0
Conor McGregor ប្រកាសចូលនិវត្តន៍ទាំងវ័យក្មេង
ចន្លោះមិនឃើញ
Conor McGregor អ្នកប្រដាល់ក្នុងទ្រុង UFC បានប្រកាសចូលនិវត្តន៍ត្រឹមអាយុ ៣១ឆ្នាំ នៅថ្ងៃទី៧ ខែមិថុនានេះ។ កីឡាករសញ្ជាតិអៀរឡង់ បានប្រកាសពីដំណឹងដ៏គួរឲ្យភ្ញាក់ផ្អើលនេះ តាម Twitter កាលពីព្រឹកមិញ ដោយបង្ហោះរូបខ្លួន ជាមួយម្ដាយ អមដោយប្រយោគដែលមានអត្ថន័យថា៖ "សួស្ដីអ្នកទាំងអស់គ្នា! ខ្ញុំបានសម្រេចចិត្តចូលនិវត្តន៍ពីអាជីពហើយ។ សូមអរគុណអ្នករាល់គ្នា សម្រាប់ការចងចាំដ៏អស្ចារ្យនេះ។ វាជាអាជីពមួយដ៏អស្ចារ្យមួយ!"។
Hey guys I’ve decided to retire from fighting.
— Conor McGregor (@TheNotoriousMMA) June 7, 2020
Thank you all for the amazing memories! What a ride it’s been!
Here is a picture of myself and my mother in Las Vegas post one of my World title wins!
Pick the home of your dreams Mags I love you!
Whatever you desire it’s yours ❤️ pic.twitter.com/Dh4ijsZacZ
ដូចដែលប្រិយមិត្តបានដឹងហើយថា McGregor ជាកីឡាករល្បីមួយរូបប្រចាំសង្វៀន UFC ដែលត្រូវបានគេប៉ាន់ស្មានថាមានទ្រព្យសម្បត្តិសរុប ១១០លានដុល្លារ ដែលក្នុងនោះ ១០០លានដុល្លារ បានពីការប្រកួតនៅ UFC។ បើនិយាយពីប្រវត្តិប្រកួត គឺ McGregor ឆ្លងកាត់ការប្រកួតក្នុងទ្រុង ២៦ដង ឈ្នះ ២២ដង និងចាញ់ ៤ដង។ ប្រកួតចុងក្រោយ កាលពីខែមករាកន្លងទៅ គឺឈ្នះ Donald Cerrone ក្នុងទឹកទី១។
គួរំលឹកផងដែរថា McGregor ក៏ធ្លាប់បង្ហោះចូលនិវត្តន៍បែបនេះដែរ កាលពីឆ្នាំ២០១៩ ប៉ុន្តែក្រោយមកក៏ឡើងវ៉ៃវិញ។ ចាំមើលទាំងអស់គ្នា ថាតើលើកនេះ ចូលនិវត្តន៍មែនទែន ឬក៏វិលចូលសង្វៀនវិញជាថ្មីទៀត?