- 2020-06-04 03:30:12
- ប្រដាល់
ប៊ុន សុផុត បន្ទាប់ពីឈ្នះពានរង្វាន់នៅបាយ័ន បង្ហើបក្ដីស្រមៃចង់បង្ហាញមុខនៅស៊ីហ្គេមទៀត
- 2020-06-04 03:30:12
- ចំនួនមតិ 0 | ចំនួនចែករំលែក 0
ប៊ុន សុផុត បន្ទាប់ពីឈ្នះពានរង្វាន់នៅបាយ័ន បង្ហើបក្ដីស្រមៃចង់បង្ហាញមុខនៅស៊ីហ្គេមទៀត
ចន្លោះមិនឃើញ
កូនសិស្សលោក អេ ភូថង ប៊ុន សុផុត បន្ទាប់ពីយកឈ្នះពានរង្វាន់១គ្រឿងលើសង្វៀនបាយ័ននាពេលថ្មីៗនេះរួចមក រូបគេចង់សាងកេរ្តិ៍ឈ្មោះឲ្យល្បីថែមទៀតព្រោះចង់បង្ហាញមុខនៅពេលកម្ពុជាធ្វើជាម្ចាស់ផ្ទះស៊ីហ្គេម ២០២៣។
ប៊ុន សុផុត បានឲ្យដឹងថា ខ្លួននឹងខំប្រឹងប្រែងហ្វឹកហាត់ពង្រឹងសមត្ថភាពបន្ថែមដើម្បីឲ្យល្បីល្បាញដូចសិស្សច្បងមុនៗ និងល្បីឈ្មោះក្នុងវិស័យគុនខ្មែរនេះ។ កីឡាករស្រករក្រោយរូបនេះរឹតតែមានកម្លាំងចិត្ត បន្ទាប់ពីឈ្នះពានរង្វាន់លើកដំបូងក្នុងអាជីពរបស់ខ្លួនដែលទើបប្រឡូកប៉ុន្មានឆ្នាំនេះ។
កូនសិស្សលោក អេ ភូថង ខាងលើនេះប្រាប់ទៀតថា នឹងប្ដេជ្ញាពង្រឹងសមត្ថភាពដើម្បីត្រៀមប្រកួតជាមួយកីឡាកររៀមច្បងនៅក្លឹបផ្សេងៗនៅពេលខាងមុខ។ ចំពោះព្រឹត្តិការណ៍ស៊ីហ្គេមដែលកម្ពុជានឹងរៀបចំធ្វើជាម្ចាស់ផ្ទះនោះ រូបគេពិតជាចង់ប្រកួតតំណាងប្រទេស ចង់បង្ហាញមុខខ្លាំងណាស់ព្រោះជាព្រឹត្តិការណ៍ធំដែលអាចធ្វើឲ្យខ្លួនល្បីឈ្មោះ។
រំលឹកដែរថា ប៊ុន សុផុត ជាកូនសិស្សលោក អេ ភូថង នៃក្លឹបអេភូថងកីឡា។ កីឡាករស្រករក្រោយរូបនេះទើបឈ្នះពានរង្វាន់លេខ១ ក្នុងកម្មវិធី «កម្ពុជាអ្នកប្រដាល់គុនខ្មែរឆ្ពោះទៅស៊ីហ្គេម ២០២៣» ទទួលបានពានរង្វាន់១ និងថវិកា ១២លានរៀល កាលពីថ្ងៃអាទិត្យ ទី១៧ ខែឧសភា ២០២០ នៅសង្វៀនទូរទស្សន៍បាយ័ន៕