- 2020-05-12 02:48:00
- ប្រដាល់
សោម វិឆ័យ មុនយកឈ្នះ ពុយ វណ្ណៈ ខ្លួនហាត់ទាត់ដូចជើងខ្លាំងថៃ Superlek
- 2020-05-12 02:48:00
- ចំនួនមតិ 0 | ចំនួនចែករំលែក 0
សោម វិឆ័យ មុនយកឈ្នះ ពុយ វណ្ណៈ ខ្លួនហាត់ទាត់ដូចជើងខ្លាំងថៃ Superlek
ចន្លោះមិនឃើញ
កីឡាករ សោម វិឆ័យ ថាមុនឈានដល់ការយកឈ្នះ ពុយ វណ្ណៈ កាលពីថ្ងៃសៅរ៍នេះលើសង្វៀន TV5 ខ្លួនបានហ្វឹកហាត់ទាត់តាម Super Star របស់ថៃគឺ Superlek ។
វិឆ័យ បានឲ្យដឹងថា សម្រាប់ការត្រៀមខ្លួនប៉ះ ពុយ វណ្ណៈ កាលពីថ្ងៃសៅរ៍សប្ដាហ៍មុននេះគិតទៅប្រហែល១ខែ និងផ្ដោតខ្លាំងលើការហាត់ជំហរ និងទាត់តែម្ដង ។ ការប្រកួតនេះមានការលំបាកខ្លះៗដែរសម្រាប់ សោម វិឆ័យ ជាពិសេសទឹក១ និងទឹក៣។
អ្នកប្រដាល់រូបនេះបន្តប្រាប់ទៀតថា មុនការប្រកួតជាមួយ ពុយ វណ្ណៈ ខ្លួនបានមើលវីដេអូប្រកួតចាស់ៗរបស់ដៃគូជាច្រើន និងចាប់ចំណុចខ្សោយក៏ដូចជាភាពខ្លាំងបានទើបរកវិធីវ៉ៃយ៉ាងណាដើម្បីទទួលបានជ័យជម្នះ។ ទន្ទឹងនិងនេះ វិឆ័យ ចូលចិត្តមើលការប្រកួតរបស់ជើងខ្លាំងថៃនានា និងបានហាត់រៀនតាមដើម្បីពង្រឹងសមត្ថភាពរបស់ខ្លួន។
រំលឹកដែរថា ការប្រកួតវគ្គពាក់កណ្ដាលផ្ដាច់ព្រ័ត្រពានរង្វាន់ TV5 ទម្ងន់ ៦៣,៥គីឡូក្រាមបានប្រកួតរួចហើយកាលពីថ្ងៃសៅរ៍ ទី៩ ខែឧសភា ឆ្នាំ២០២០ ដោយ សោម វិឆ័យ ឈ្នះពិន្ទុ ពុយ វណ្ណៈ និង រិន សារ័ត្ន ឈ្នះពិន្ទុ វែន ហុងជីវ៉ុង ៕