- 2020-05-08 06:34:34
- ប្រដាល់
ដល់វគ្គសំខាន់ រិន សារ័ត្ន៖ ខ្ញុំហាត់គ្មានថ្ងៃសៅរ៍ គ្មានថ្ងៃអាទិត្យអីទេ
- 2020-05-08 06:34:34
- ចំនួនមតិ 0 | ចំនួនចែករំលែក 0
ដល់វគ្គសំខាន់ រិន សារ័ត្ន៖ ខ្ញុំហាត់គ្មានថ្ងៃសៅរ៍ គ្មានថ្ងៃអាទិត្យអីទេ
ចន្លោះមិនឃើញ
កីឡាករ រិន សារ័ត្ន ថារូបគេគ្រាន់តែទទួលដំណឹងត្រូវប្រកួតវគ្គពាក់កណ្ដាលផ្ដាច់ព្រ័ត្រ TV5 ភ្លាមគឺចាប់ផ្ដើមពង្រឹងហ្វឹកហាត់ពេញៗតែម្ដង ពោលគ្មានគិតថាថ្ងៃសៅរ៍ អាទិត្យ ដែលត្រូវសម្រាកខ្លះនោះឡើយ ។
រិន សារ័ត្ន បានឲ្យដឹងថា មុនការប្រកួតមកដល់វគ្គពាក់កណ្ដាលផ្ដាច់ព្រ័ត្រសប្ដាហ៍នេះ នៅសង្វៀន TV5 ខ្លួនបានប្រកួតមិត្តភាពជាតិ និងជាតិបានប៉ុន្មានប្រកួតដែរ ជាការប្រកួតជួយកម្ដៅសាច់ដុំ ។ សម្រាប់ការប្រកួតនៅថ្ងៃសៅរ៍ស្អែកនេះ សារ័ត្ន បានត្រៀមខ្លួនរួចរាល់ហើយ បើនិយាយពីការហ្វឹកហាត់វិញគិតទៅបានពេញ២សប្ដាហ៍។
អ្នកប្រដាល់មកពីខេត្តព្រៃវែងខាងលើនេះ ដាក់ក្ដីសង្ឃឹមរហូតដល់ ៧០% ថាអាចនឹងធ្វើបានល្អ ឬឈ្នះដៃគូស្អែក។ ការរំពឹងខ្ពស់បែបនេះ ក៏ព្រោះតែខ្លួនបានហាត់ពេញ ទាំងកម្លាំងស៊ុហ្វ និងស្នៀតប្រយុទ្ធផ្សេងៗ ។ និយាយជារួមគឺទុកចិត្តលើខ្លួនឯងនាការប្រកួត៣ទឹកនេះតែម្ដងសម្រាប់វគ្គពាក់កណ្ដាលផ្ដាច់ព្រ័ត្រពានរង្វាន់ទម្ងន់ ៦៣,៥គីឡូក្រាម ។
រំលឹកដែរថា កម្មវិធីប្រដាល់ពានរង្វាន់ TV5 ទម្ងន់ ៦៣,៥គីឡូក្រាម ចាប់ផ្ដើមការប្រកួតវគ្គពាក់កណ្ដាលផ្ដាច់ព្រ័ត្រនាល្ងាចថ្ងៃស្អែកនេះហើយ។ រិន សារ័ត្ន ត្រូវប៉ះ វ៉ែន ហុងជីវ៉ុង និង សោម វិឆ័យ ប៉ះ ពុយ វណ្ណៈ ៕
