- 2020-01-08 09:36:27
- ប្រដាល់
ម៉ន សាម៉េត បើកឆាកជម្រុះខ្សែក្រវាត់មាស ធ្លាក់មុនគេក្រោយចូលអត់ចុះជាមួយថៃ
- 2020-01-08 09:36:27
- ចំនួនមតិ 0 | ចំនួនចែករំលែក 0
ម៉ន សាម៉េត បើកឆាកជម្រុះខ្សែក្រវាត់មាស ធ្លាក់មុនគេក្រោយចូលអត់ចុះជាមួយថៃ
ចន្លោះមិនឃើញ
អ្នកប្រដាល់ចាស់វស្សា ម៉ន សាម៉េត មានឈ្មោះប្រកួតមុនគេនៃវគ្គជម្រុះដំណើរឆ្ពោះទៅការដណ្ដើមខ្សែក្រវាត់មាសរបស់សង្វៀន PNN ប៉ុន្តែធ្វើមិនបានល្អធ្លាក់ត្រឹមថ្ងៃបើកឆាកតែម្ដង។
កីឡាករមាឌល្អិតមកពីព្រែកឯងខាងលើនេះ សម្ដែងការសប្បាយចិត្តជាខ្លាំងនៅពេលដែលមានឈ្មោះចូលរួមលេងខ្សែក្រវាត់ប្រាក់ និងខ្សែក្រវាត់មាស របស់សង្វៀន PNN ប៉ុន្តែការលេងនេះមិនសមប្រកបឡើយ ពោលធ្លាក់ត្រឹមសប្ដាហ៍ទី១នៃថ្ងៃបើកឆាក។
សាម៉េត គឺពិតជាខំប្រឹងប្រែងប្រកួត និងព្យាយាមដើរចូលវ៉ៃទៅលើកីឡាករថៃ ឃុមភីឈិត ប៉ុន្តែការចូលទៅនោះហាក់មិនបានផលឡើយ ដោយសារតែដៃគូវែងពេក និងវ៉ៃដកខ្លួនហើយសងមកវិញបានល្អតែម្ដង។
ការដេញចូលរបស់ ម៉ន សាម៉េត ភ្លាត់ត្រូវ១ជើងស្ដាំរបស់កីឡាករថៃធ្វើឲ្យសឺបន្តិចផងដែរ ទម្រាំអាចប្រមូលស្មារតីបានវិញ។ អ្នកប្រដាល់ដើមកំណើតមកពីព្រែកឯងរូបនេះក៏ភ្លាត់ចូលកែងរបស់ ឃុមភីឈិត ថែមទៀតផងរហូតបែកថ្ងាសហូរឈាមពេញផ្ទៃមុខ ខណៈការប្រកួតចេះតែម្ដងរហូតបញ្ចប់ទឹកទី៥។
រំលឹកដែរថា ការប្រកួតជម្រុះដំណើរស្វែងរកម្ចាស់ខ្សែក្រវាត់មាសរបស់សង្វៀន PNN ទម្ងន់ ៥៧គីឡូក្រាម បានប្រកួតសប្ដាហ៍ទី១របស់ខ្លួនហើយកាលពីថ្ងៃអាទិត្យ ទី៥ មករា ឆ្នាំ២០២០ កន្លងទៅនេះ ដោយ ម៉ន សាម៉េត ចាញ់ពិន្ទុកីឡាករថៃ ឃុមភីឈិត ធ្លាក់ត្រឹមនេះ។ ការប្រកួតថ្ងៃនោះក្រៅតែពីការប្រកួតជម្រុះហើយនោះក៏មានគូមិត្តភាពផងដែរគឺ ឈិត សេរីវណ្ណថង ឈ្នះពិន្ទុអ្នកលេងគុនថៃ៕
